ফগদাং পেইয়্যে 19:18 - Chakma Bible

¹⁸ যেন তুমি রাজা, সেনাপতি, বোলী মানুচ্‌, ঘোড়া আর সেই ঘোড়াত্ চোজ্জ্যে মানুচ্চুনোরে, গিরোজ্ আর চাগরুনোর আর চিগোন-দাঙর বেক্‌ মানুচ্চুনোর য়েরানি হেই পারঅ।”

ফগদাং পেইয়্যে 19:18 Iomraidhean Croise

যিরমিয় 19:7

এ জাগায়ানত্ মুই যিহূদা আর যিরূশালেমর মানুচ্চুনোর পরিকল্পনাগান বর্‌বাত গুরিম। যিগুনে তারার পরাণান নিবাত্তে চান তারার সেই শত্রুগুনোরে দিইনে যুদ্ধোর ভিদিরে মুই তারারে মারে ফেলেম আর তারার মরাকিয়্যেগানি আগাজর্ পেগ্‌‌‌‌কুনে আর ঝার য়েমানুনোর হানা ইজেবে দিম।‌

যিরমিয় 34:20

সেনত্তে যিগুনে তারারে মারে ফেলেবাত্তে চান সে শত্রুগুনো আঢত্ মুই তারারে তুলি দিম। তারার মরাকিয়্যেনি অবঅ আগাজর্ পেগ্‌কুনোর আর ঝার্‌‍‍‍বো য়েমানুনোর হানা। ‍

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

যিহিষ্কেল 39:17

ও মান্‌‌‌জ্যর পুয়োবো, মুই প্রভু লগেপ্রভু কঙর্, তুই নানান্ বাবোত্যে পেখ্ আর নানান্ বাবোত্যে ঝার্‌‌‌‌বো য়েমানুনোরে ডাগিনে কঅ, তুমি এগত্তর্ অ আর মুই তমাত্তে ইস্রায়েলর মুড়োমুড়িগুনো উগুরে যে দাঙর্ দালিপূজোর্ বেবস্থা গোজ্যং সিয়েনত্তে চেরোকিত্তেত্তুন্ এগত্তর্ অ। সিয়েনত্ তুমি য়েরা আর লো হেবা।

মথি লেখ্যে গম্ হবর্ 24:28

যিয়েনত্ মরা কিয়্যে থেবঅ সিয়েনত্ শকুনুনে এইনে এক সমারে থুবেবাক্।

লূকে লেখ্যে গম্ হবর্ 17:37

শিচ্চ্যগুনে তাত্তুন্ পুযোর্ গুরিলাক্, “কুধু, প্রভু?” জোবত্ যীশু কলঅ, “যিয়েনত্ মরা কিয়্যে থেবঅ সিয়েনত্ শকুনুনে এইনে এক সমারে থুবেবাক্।”

দ্বি’লম্বর বিররণ 28:26

তমার মরাকিয়্যেনি অবদে আগাজর পেখ্‌ আর পিত্‌থিমীর য়েমানুনোর হানা, আর তারারে ধাবেই দিবাত্তে কনজনে উজেই ন এবাক্।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 13:16

তে চিগোন-দাঙর্, থাগোইয়্যে-নাঢা, গিরোজ্ আর চাগর্, বেক্কুনোরে ডেন্ আঢত্ বা কবাল উগুরে এক্কান চিহ্নো মানি লবাত্যে বাধ্য গুরিলো।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 19:5

সেক্কে সিংহাসনত্তুন্ একজনে কলঅ, “গোজেনর্ চাগরুন আর তুমি যিগুনে গোজেনরে ভোক্তি গুরিনে দরঅ, তুমি চিগোন-দাঙর্ বেক্কুনে আমা গোজেনর্ বাঈনী গরঅ।”

ফগদাং পেইয়্যে 6:15

পিত্‌থিমীর বেক্‌ রাজাগুনে আর বেগ দাঙর্ নেতাবো, সেনাপতি, থাগোইয়্যে আর খেমতাবলা মানুচ্‌, পত্তি চাগর আর চাগর নয়দে মানুচ্‌ মোন্‌মুড়ো হুলুঙে হুলুঙে আর পাত্তর আন্দলে আন্দলে নিজোরে লুগেলাক্।

১ শমূয়েল 17:44

তে দায়ূদরে আরঅ কলঅ, “উজেই আয়; মুই তর্‌ কিয়্যের্‌ য়েরাগান আগাজর্‌ পেক্কুনোরে আর ঝারর্‌ য়েমানুনোরে হেবাত্তে দিম্‌।”

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।