ফগদাং পেইয়্যে 19:17 - Chakma Bible

¹⁷ যেরেদি মুই এক্কো স্বর্গদূতোরে বেলান ভিদিরে থিয়্যেই থাগদে দেগিলুং। যিদুক্কুন পেগে আগাজত্ উত্ত্যন্ তে তারারে বেক্কুনোরে জোরে রঅ ছাড়িনে কলঅ, “এজঅ, গোজেনর্ দাঙর্ হানাগান হেবাত্যে এক সমারে এগত্তর্ অ,

ফগদাং পেইয়্যে 19:17 Iomraidhean Croise

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 56:9

মাদর্ আর ঝারর্ বেক এ্যামানুন্, তুমি এইনে হেই ফেলঅ।

যিরমিয় 12:9

মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিহিষ্কেল 31:13

সেই পড়ি থেইয়্যে গাজ্‌‌‌‌চোত্ আগাজর্ বেক পেখ্‌‌‌‌কুনে এইনে থেলাক্ আর ঝারর্ বেক্ য়েমানুনেয়ো তার ডেলাগুনোর কায়কুরে থেলাক্।

ফগদাং পেইয়্যে 14:6

সে পরেদি মুই আর এক্কো স্বর্গদূতোরে আগাজর্ ভালোদ্দুর্ অজলত্ উড়োদে দেগিলুং। পিত্‌থিমীত্ বজত্তি গুরিয়্যে মানুচ্চুনো ইধু, অত্তাৎ পত্তি জাত্, গুট্টি, ভাযা আর দেজর্ মানুচ্চুনো ইধু ফগদাং গুরিবাত্যে তাইধু উমরর্ গম্ হবর্ এলঅ।

ফগদাং পেইয়্যে 19:21

যিবে সেই ধুব্ ঘোড়াবো উগুরে বৈ এলঅ তা মুয়োত্তুন্ যে ছুরিগান নিগিলি এচ্চ্যে সিয়েন্দোই তারার্ অন্য বেক্‌ সমাজ্জ্যেগুনোরে মারে ফেলা অলঅ। সিয়েনর্ কারনে পেগ্‌‌‌কুনে পেট ভরে সং তারার্ য়েরানি খেলাক্।

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”

১ শমূয়েল 17:44

তে দায়ূদরে আরঅ কলঅ, “উজেই আয়; মুই তর্‌ কিয়্যের্‌ য়েরাগান আগাজর্‌ পেক্কুনোরে আর ঝারর্‌ য়েমানুনোরে হেবাত্তে দিম্‌।”