ফগদাং পেইয়্যে 19:15 - Chakma Bible

¹⁵ তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

ফগদাং পেইয়্যে 19:15 Iomraidhean Croise

গীতসংহিতা 2:9

লুয়ো শলালোই তুই তারারে ভাঙি ফেলেবে, নিগুজ্ গুরি দিবে মাত্যে পিলে ধোক্ক্যেন্।”

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যোয়েল 3:13

তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

মালাখি 4:6

তে বাব্‌‌পুনোর মনানি তারার্ ঝি-পুয়োগুনো ইন্দি আর ঝি-পুয়োগুনোর মনানি তারার্ বাব্‌‌পুনো ইন্দি ফিরেব, যেন মুই এইনে অভিশাব্ দিইনে দেজ্‌‌চানরে ভস্ত ন-গরং।”

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

ফগদাং পেইয়্যে 1:16

তে তার্ ডেন্ আঢেদি সাত্‌টো তারা ধুরি থোইয়্যে আর তা মুয়োত্তুন্ এক্কান ধার্ ছুরি নিগিলি এজের্ যিয়েনর্ দ্বিয়ো কিত্ত্যেদি ধার্ এলঅ। ভারী তেজে জ্বোল্‌জোল্ল্যে বেলান ধোক্ক্যেন তা মুয়ো চেঙারাগান এলঅ।

ফগদাং পেইয়্যে 12:5

মিলেবোর এক্কো পুয়ো অলঅ। সেই পুয়োবো লুয়ো লুদিক্কোই বেক্ জাদ্‌তুনোরে শাসন গুরিবো। সেই পুয়োবোরে গোজেনে আর তা সিংহাসন ইধু তুলি নেযা অলঅ,

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 19:21

যিবে সেই ধুব্ ঘোড়াবো উগুরে বৈ এলঅ তা মুয়োত্তুন্ যে ছুরিগান নিগিলি এচ্চ্যে সিয়েন্দোই তারার্ অন্য বেক্‌ সমাজ্জ্যেগুনোরে মারে ফেলা অলঅ। সিয়েনর্ কারনে পেগ্‌‌‌কুনে পেট ভরে সং তারার্ য়েরানি খেলাক্।

ফগদাং পেইয়্যে 2:12

পর্গাম শঅরর্ মন্ডলী দূত্‌তো ইধু এ কধাগান লেগ- যে ধারেয়্যে ছুরিগানর্ দ্বিয়ো কিত্ত্যেদি ধার্ আঘে সিয়েনর অধিকারী এ কধাগান কত্তে:

ফগদাং পেইয়্যে 2:16

সেনত্যে এ অবস্থাত্তুন্ মনান্ ফিরা। যুনি মনান্ ন-ফিরেচ্ সালে মুই সবরে তইধু এইম্ আর মঅ মুয়ো ছুরিগান্দোই তারা বিরুদ্ধে যুদ্ধো গুরিম।