ফগদাং পেইয়্যে 18:3 - Chakma Bible

³ কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”

ফগদাং পেইয়্যে 18:3 Iomraidhean Croise

যিশাইয় 47:15

যিগুনো লগে তুই কাম্ গোজ্যস্ আর চিগোনত্তুন্ ধুরি বেবসা গোজ্যস্ তারা সেবাবোত্যে অবাক্। তারা পত্তি জনে নিজো নিজো পধেদি চলদন্; একজন্অ নেই যে তরে রোক্ষ্যে গুরি পারে।”

যিরমিয় 51:34

যিরূশালেমর মানুচ্চুনে কদন্, “বাবিল রাজা নবূখদ্‌নিৎসরে আমারে গিলি ফেল্যে, আমারে চুরমার গোজ্যে, আমারে সুদো কুমো ধোক্ক্যেন গোজ্যে। দানব ধোক্ক্যেন্ তে আমারে গিলি ফেল্যে আর আমারে গম্ গম্ হানা দিইনে তা পেট্‌‌‌‌তো ভোরেয়্যে, আর সে পরেদি আমারে এঁটোকাঁটা ধোক্ক্যেন দূর্ গুরি দিয়্যে।”

যিরমিয় 51:7

বাবিলান লগেপ্রভুর আঢত্ এক্কান সোনার গলস ধোক্ক্যেন এলঅ; সিয়েনে গোদা পিত্‌‌‌থিমীগানরে মাত্তল্ গোজ্যে। জাদ্‌‌‌তুনে তা আংগুর-রস হেইয়োন, সেনত্তে ইক্কিনে তারা পাগল ওই যেইয়োন।

আবিলেচ্ 4:5

যিগুনে একদিন গম্ গম্ হানা হেদাক্ তারা ইক্কিনে অভাবত্ পধে পধে রোইয়োন। যিগুনে মংগা বিগুনো রঙর্ কাবড়্ উরিনে মানুচ্ ওইয়োন তারা ইক্কিনে ছেইয়ো কুড়োত্ পড়ি আগন্।

নহূম 3:4

ইয়েনি বেক্কানি অর্ সেই বেশ্যেবোর্ বোউত্ বেশ্যেগিরিত্তে; তে জদবদে দোল্ আর নানান্ বাবোত্যে যাদুকরী। তার বেশ্যের্ কামানিলোই তে জাদ্‌তুনোরে আর যাদু বিদ্যেলোই মানুচ্চুনোরে বন্দী গরে।

লূকে লেখ্যে গম্ হবর্ 7:25

সিয়েন ন-অলে কি চেবাত্তে যেইয়ো? দোল্ কাবড় পিন্যে এক্কো মান্‌জ্যরে নাহি? যিগুনে মংগা মংগা কাবড় পিনোন্ আর সয়সাগোজ্যেগুরি বজত্তি গরন্ তারা দঅ রাজ্‌ঘরত্ থান্।

১ তীমথিয় 5:11

গাবুজ্জ্যে রানি মিলেগুনোর্ নাঙানি রানিমিলে লিষ্টিত্ ন-লেখ্য, কিয়া যেক্কে তারার্ বো যেবার মন থেলে খ্রীষ্ট উগুরে তারার্ ভোক্তি কুমি এজে সেক্কে তারা নেগ্ লবাত্যে চান্।

ফগদাং পেইয়্যে 14:8

যেরেদি দ্বি-লম্বর আর এক্কো স্বর্গদূত তা পিজে পিজে এইনে কলঅ, “সেই নাঙ্-গোজ্জ্যে বাবিল শঅরান্ ভস্ত ওই যেইয়্যে। যে শঅরানে তার্ বেশ্যেগিরির্ মদ বেক্‌ জাদ্‌তুনোরে হাবেয়্যে সেই শঅরান্ ভস্ত ওই যেইয়্যে।”

ফগদাং পেইয়্যে 17:2

পিত্‌থিমীর রাজাগুনে তা সমারে বেভিচের্ গোজ্জ্যন, আর যিগুনে এ পিত্‌থিমীর সিগুনে তার্ বেভিচারর্ আংগুর-রসে মাত্তল্ ওইয়োন।”

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’

ফগদাং পেইয়্যে 18:9

পিত্‌থিমীর্ যিদুক্কুন্ রাজা তা সমারে বেভিচের্ গোজ্জ্যন আর উবোল্‌পাল্ গুরি তা সমারে বজত্তি গোজ্জ্যন তারা তারে পুড়ি ফেলেবার্ সময়োত্ ধূমো দেগিনে কানিবাক্ আর তাত্যে দুঘ্ পেবাক্।