ফগদাং পেইয়্যে 17:8 - Chakma Bible

⁸ যে য়েমান্নোরে তুই দেখ্যচ্ তে আগে এলঅ মাত্তর্ ইক্কুনি নেই। যেরেদি তে সেই সুরুঙো গাঢ্‌তোত্তুন্ উদি এইনে উমর্ সং সাজা ভুগিবো। সেক্কে যিগুনে এই পিত্‌থিমীর, অত্তাৎ জগদ্‌তান সৃট্টির সময়োত্তুন্ ধুরি যিগুনোর্ নাঙানি জিংকানি-বোইয়োত্ লেগা নেই তারা সেই য়েমান্নোরে দেগিনে আমক্ ওই যেবাক্; কিয়া য়েমান্নো আগে এলঅ, ইক্কিনে নেই, অদচ আরঅ দেগা দিবো।

ফগদাং পেইয়্যে 17:8 Iomraidhean Croise

গীতসংহিতা 69:28

জেদাগুনোর নাঙানিত্তুন্ যেন তারার নাঙানি বাদ যায়, গোজেন ভক্তগুনোর্ নাঙানিত্তুন্ যেন তারার নাঙানি ন-থায়।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

দানিয়েল 7:11

মুই দেগিলুং উই শিঙো সেক্কেও বাড়্‌‌‌‌‌‌বো গুরিনে কধা কর্। সেই য়েমান্নোরে যেদক্কন সং কাবি ফেলা ন-অলঅ সেদক্কন সং মুই রিনি চেই রলুং। তা কিয়্যেগান ভস্ত গুরিনে জ্বোল্‌‌‌‌‌‌জোল্যে আগুনোত্ ফেলেই দিয়্যে অলঅ।

দানিয়েল 7:26

মাত্তর্ পরেদি তার বিচের্ গরা অবঅ আর তার্ খেমতাগান তাত্তুন্ নেযা অবঅ, আর সিয়েন উমরত্তে পুরোপুরি ভস্ত গরা অবঅ।

দানিয়েল 7:3

সেই সাগরানত্তুন্ চের্‌‌‌‌বো বিরেট্ য়েমান উদি এলাক্; সিগুন এক এক্কো এক এক বাবোত্যে এলাক্।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

লূকে লেখ্যে গম্ হবর্ 10:20

মাত্তর্ ভান্ন্যেই আত্মাগুনে তমা কধা শুনোন্ বিলি হুজি ন-ওইয়ো বরং স্বর্গত্ তমা নাঙান্ লেগা ওইয়্যে বিলি হুজি ওইয়ো।”

লূকে লেখ্যে গম্ হবর্ 8:31

সেক্কে সেই আত্মাগুনে যীশুরে কোজোলী গরা ধুরিলাক্ যেন তে তারারে তলা নেইয়্যে গাঢত্ ন-পাদায়।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

প্রেরিত্‌ 15:18

ভালোক্ দিন আগেত্তুন্ ধুরি ইবে তা মনঅ ভিদিরে এলঅ।”

ইফিষীয় 1:4

আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্‌‌‌তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্‌পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

ফগদাং পেইয়্যে 11:7

তারার্ সাক্ষ্য দেনা থুম্ অলে পরেদি সেই গভিন্ গাঢ্‌তোত্তুন্ এক্কো য়েমান উদি এইনে তারা লগে যুদ্ধো গুরিবো আর তারারে অদেই দিইনে মারে ফেলেব।

ফগদাং পেইয়্যে 17:11

যে য়েমান্নো আগে এলঅ মাত্তর্ ইক্কুনি নেই তে সেই সাতজন ভিদিরে একজন অলেয়ো তে আস্‌তো লম্বর রাজা; তে উমর সং সাজা ভুগিবো।

ফগদাং পেইয়্যে 17:2

পিত্‌থিমীর রাজাগুনে তা সমারে বেভিচের্ গোজ্জ্যন, আর যিগুনে এ পিত্‌থিমীর সিগুনে তার্ বেভিচারর্ আংগুর-রসে মাত্তল্ ওইয়োন।”

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।