ফগদাং পেইয়্যে 17:7 - Chakma Bible

⁷ মুই তারে দেগিনে ভারী আমক্ ওলুং। সেক্কে সেই স্বর্গদূত্‌তো মরে কলঅ, তুই আমক্ অর্ কিত্ত্যে? মিলেবোর্ আর যে য়েমান্নো তারে বুয়োইনে বেড়ার্ সেই য়েমান্নোর্ গুমুরো অত্তগান তরে বুঝেই দোঙর্। ইবে সেই য়েমান্নো যিবের্ সাত্‌টো মাঢা আর দোচ্‌শো শিং এলঅ।

ফগদাং পেইয়্যে 17:7 Iomraidhean Croise

২ থিষলনীকীয় 2:7

মাত্তর্ যিবে তারে মানা গুরি রাগেয়্যে তে সুরি ন-যানা সং মানা গরানাত্ থেবঅ। সে পরেদি সেই অবাধ্যবলা মরদ্‌‌তো ফগদাং অবঅ।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।

ফগদাং পেইয়্যে 17:8

যে য়েমান্নোরে তুই দেখ্যচ্ তে আগে এলঅ মাত্তর্ ইক্কুনি নেই। যেরেদি তে সেই সুরুঙো গাঢ্‌তোত্তুন্ উদি এইনে উমর্ সং সাজা ভুগিবো। সেক্কে যিগুনে এই পিত্‌থিমীর, অত্তাৎ জগদ্‌তান সৃট্টির সময়োত্তুন্ ধুরি যিগুনোর্ নাঙানি জিংকানি-বোইয়োত্ লেগা নেই তারা সেই য়েমান্নোরে দেগিনে আমক্ ওই যেবাক্; কিয়া য়েমান্নো আগে এলঅ, ইক্কিনে নেই, অদচ আরঅ দেগা দিবো।

ফগদাং পেইয়্যে 18:1

ইয়েন পরেদি মুই আর এক্কো স্বর্গদূতোরে স্বর্গত্তুন্ লামি এত্তে দেগিলুং। তার দাঙর্ খেমতা এলঅ আর পিত্‌থিমীগান তার্ মহিমালোই জ্বোল্‌জোল্ল্যে ওই গেলঅ।