ফগদাং পেইয়্যে 17:17 - Chakma Bible

¹⁷ ইয়েনর্ কারণান্ অলঅ, গোজেনে তারার্ মন ভিদিরে এমন্‌ আওজ্ দিয়্যে যেনে তার্ কধানি ফলে। সিয়েনর্ কারনে তারা একমন ওইনে সেই য়েমান্নো ইধু তারার্ বেক খেমতাগানি দান গুরিবাক্, যেনে গোজেনর্ কধানি পূরোণ ন-অনা সং তে রাজাগিরি গুরি পারে।

ফগদাং পেইয়্যে 17:17 Iomraidhean Croise

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

গীতসংহিতা 105:25

তা মানুচ্চুনোর বিরুদ্বে তে শত্রুগুনোর মনত্ ঈচ্ গরানা জাগেই দিলো, সেক্কেনে তারা তা চাগরুনো সমারে চালাগি গুরিনে চলা ধুরিলাক্।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

লূকে লেখ্যে গম্ হবর্ 22:22

গোজেনে যেধোক্ক্যেন গুরি ঠিগ্ গুরি থোইয়্যে সেধোক্ক্যেন গুরি মান্‌জ্য পুয়োবো মুরি যেবঅ ঠিগ্; মাত্তর্ কি দর্‌‍‍গরেপারা সেই মানুচ্চো, যে তাল্লোই বেঈমানী গোজ্যে!”

লূকে লেখ্যে গম্ হবর্ 22:3

এ অক্তত্ যিহূদা, যিবেরে ইষ্কারিয়োৎ নাঙে ডাগা অদঅ, পরেদি তা ভিদিরে শদানে সুমিলো। এ যিহূদা এলঅ যীশুর বারজন শিচ্চ্যত্তুন্ একজন।

লূকে লেখ্যে গম্ হবর্ 22:37

পবিত্র বোইবোত্ লেগা আঘে, ‘তারে পাপীগুনো সমারে গুণো অলঅ।’ মুই তমারে কঙর্, এ কধাগান্ মঅ মাধ্যমে পূরোণ্ ওয়া পুরিবো, কিয়া মঅ পৌইদ্যেনে যিয়েন্ লেগা আঘে সিয়েন্ পূরোণ্ অবাত্তে যার্।”

যোহন 10:35

গোজেন কধা যিগুনো ইধু এচ্চ্যে সিগুনোরে দঅ তে গোজেন ধোক্ক্যেন্ কোইয়্যে। পবিত্র বোইবোর্ কধানি কি বাদ্ দিয়্যে যায়? ন-পারে।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

যোহন 13:2

সেক্কে হেবার্ অক্‌ত। ইয়েন আগেদি শদানে শিমোনর্ পুয়ো যিহূদা ইষ্কারিয়োত মনত্ যীশুরে শত্রুগুনো আঢত্ ধোরেই দিবার্ আওজ্‌চান্ জাগেই দিয়্যে।

যোহন 19:24

সিয়েন্ দেগিনে সৈন্যগুনে একজন আরেক্ জনরে কলাক্, “ইবে ন-ফাদিনে বরং ভাগ্য পোরোক্ষ্যে গুরি চেই ইবে কার্ অবঅ।” ইয়েন্ ঘোট্যে যেন পবিত্র বোইবোর্ এ কধাগান্ পূরোণ অয়, তারা নিজো ভিদিরে মঅ কাবড়-চুগোড়ানি ভাগ্ গত্তন্, আর মঅ কাবড়ানিত্ত্যে তারা ভাগ্য পোরোক্ষ্যে গত্তন্। আর ঘেচ্চ্যেক্‌‌গুরি সৈন্যগুনে ইয়েনি বেক্কানি গুরিলাক্।

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

ফগদাং পেইয়্যে 10:7

মাত্তর্ সাত-লম্বর স্বর্গদূত্‌তো তা তূরীবো বাজেবার দিনোত্ গোজেনর্ গুমুরো উদ্দেচ্চ্যগান পরিপূরোণ অবঅ। গোজেনে তা নিজো চাগরুনো ইধু, অত্তাৎ ভাববাদীগুনো ইধু যিয়েনি জানেয়্যে ঠিগ্ সেবাবোত্যে গুরি ইয়েনি অবঅ।”

ফগদাং পেইয়্যে 15:1

যেরেদি মুই স্বর্গত্ আর এক্কান দাঙর্ আর আমক্ অবার্ চিহ্নো দেগিলুং। দেগিলুং, সাতজন স্বর্গদূত আর তারার্ আঢত্ শেজর্ সাত্‌তান আঘাত। ইয়েনিরে শেজর্ আঘাত কুয়ো অর্ কিয়া ইয়েনিলোই গোজেনর্ রাগর্‌অ থুম্ অবঅ।

ফগদাং পেইয়্যে 17:13

এই রাজাগুনোর উদ্দেচ্য এক্কুই, আর তারা বেক্কুনে তারার্ খেমতা আর অধিকার সেই য়েমান্নোরে দিবাক্।

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”

ফগদাং পেইয়্যে 6:11

সেক্কে তারারে পত্তিজনরে এক্কান গুরি ধূব্ পোজাক্ দিয়্যে অলঅ আর কুয়ো অলঅ, তারার সমাজ্জ্যে আর ভেইয়ুনোরে, যিগুনোরে তারা ধোক্ক্যেন গুরি মারে ফেলা অবঅ তারা জনেদি ন-পুরোনা সং তারা যেন আরঅ কিজু কাল বাজ্জ্যেই থান্।