ফগদাং পেইয়্যে 16:6 - Chakma Bible

⁶ এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”

ফগদাং পেইয়্যে 16:6 Iomraidhean Croise

যাত্রা 21:24

চোগোর বদলে চোগ, দাদর্‌ বদলে দাদ, আদর্‌ বদলে আত্‌, টেঙর্‌ বদলে টেঙ্‌;

যাত্রা 7:17

সেনত্যে লগেপ্রভু কত্তে, তেয়ই যে লগেপ্রভু সিয়েন্‌ তুই এ চিহ্নোগান্‌ দেগিনে বুঝি পারিবে। তুই কবে, ‘মুই ইক্কিনে মর্‌ আঢঅ এ লুদিক্কো গাঙ পানিত্‌ আঘাত্‌ গুরিবাত্তে যাঙর্‌ আর সিবেলোই গাঙ পানিগান্‌ লো ওই যেবঅ।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিরমিয় 2:30

মুই তমারে অনত্তক্ সাজা দুয়োং; তুমি শাজনান্ এলাফেলা গোজ্য। পেট্ পুরেত্তে সিংহ ধোক্ক্যেন তমা তলোয়ারানিয়ে তমা ভাববাদীগুনোরে গিলি ফেল্যে।

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 26:16

সেক্কে রাজকর্মচারীগুনে আর বেক মানুচ্চুনে ধর্মগুরু আর ভাববাদীগুনোরে কলাক্, “এ মানুচ্চো মরণর সাজা পেবার যগাজ্যে নয়। তে আমার গোজেন লগেপ্রভুর নাঙে আমা ইধু কধা কোইয়্যে।”

আবিলেচ্ 4:13

এ ঘটনাগান ঘোট্যেদে তা ভাববাদীগুনোর্ পাপত্তে, তা ধর্মগুরুগুনোর্ অন্যেয়ত্তে, কিত্তেই সিয়োদোই তারা গম্ মানুচ্চুনোর্ লো জোরেদাক্।

যিহিষ্কেল 32:6

মুড়ো-মুড়ি সং মুই তর্ লোগান্দোই দেজ্‌‌‌‌‌চান ভিজেম্; সেক্কে তঅ লোগান্দোই গঙার পানিগান রাঙা ওই যেবঅ।

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

লূকে লেখ্যে গম্ হবর্ 12:48

মাত্তর্ কোই ন-পারিনে যে সাজা-পেবার্ কাম্ গোজ্যে তার কম্ সাজা অবঅ। যিবেরে বেশ্ দিয়্যে অয় তাত্তুন্ বেশ্ দাবি গরা অবঅ; আর মান্‌‌‌জ্যে যিবে ইধু বেশ্ থোইয়োন তাত্তুন্ তারা বেশ্ মাগিবাক্।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 13:10

যিবের বন্দী অবার্ কধা আঘে তে বন্দী অবঅ। যিবের ছুড়িলোই খুন অবার কধা আঘে তে খুন অবঅ। ইয়েনত্যে গোজেন মানুচ্চুনোর ধৈজ্জ্য আর বিশ্বেজর্ দরকার।

ফগদাং পেইয়্যে 13:15

সেই মূর্ত্তিবোরে পরাণ দিবার্ খেমতায়ো তারে দিয়্যে অলঅ, যেনে সেই মূত্তিবো কধা কোই পারে আর যিগুনে সেই মূত্তিবোরে গোজেনর্ সর্মান দিইনে সালাম ন-গুরিবাক্ তারারে মারে ফেলেই পারে।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 18:24

ভাববাদীগুনোর, গোজেন মানুচ্চুনোর আর যিদুক্কুন মান্‌‌জ্যরে এ পিত্‌থিমীত মারে ফেলা ওইয়্যে, সিগুনোর্ লো-নি এই বাবিলোত্ পাহ্ যেয়্যে।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”