ফগদাং পেইয়্যে 16:3 - Chakma Bible

³ দ্বি-লম্বর স্বর্গদূত্‌‌তো তা কদরাবো সাগর উগুরে উবোত্ গুরিলো। সেক্কে সাগর পানিগান মরা মান্‌জ্যর্ লো ধোক্ক্যেন অলঅ, আর সাগরর্ বেক্‌ প্রাণীগুন মুরি গেলাক্।

ফগদাং পেইয়্যে 16:3 Iomraidhean Croise

পত্থম 7:22

শুগুনো মাদি উগুরে যিদুক্কুন প্রাণী থেদাক্‌, অত্তাৎ নিজেস্‌ ফেলেনে যিগুনে বাঁজি এলাক্‌ তারা বেক্কুন মুরি গেলাক্।

গীতসংহিতা 105:29

তারার পানিগানি তে লো বানেই দিলো, সেক্কে বেক মাচ্ছুন্ মুরি গেলাক্।

গীতসংহিতা 78:44

সেদিন্যে তারার বেক গাঙ পানিগান লো বানেই দিয়্যে আর সেই পানিগান তারা হেই ন-পারন্।

যিহিষ্কেল 16:38

যে মিলেগুনে ব্যভিচের্ গরন আর যিগুনে লো ঝরান্ তারারে যে সাজাগান দিয়্যে অয় সেই সাজাগান মুই তরে দিম। মর্ রাগে আর মনর্ জ্বালাত্তে মুই তরে মরণর্ সাজা দিম।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

ফগদাং পেইয়্যে 10:2

তা আঢত্ এক্কো মেল্ল্যে চিগোন বোই এলঅ। তে তার্ ডেন্ টেঙান দোজ্জ্যে সাগর উগুরে আর বাঙ্ টেঙান মাদি উগুরে থোইনে সিংহ গুজুরোনি ধোক্ক্যেন দাঙর্ গুরি রঅ ছাড়িলো। তার্ রঅ ছাড়ানার্ লগে লগে সাত্‌টো দেবা পেরাগ্ পড়েদে ধোক্ক্যেন রঅ অলঅ।

ফগদাং পেইয়্যে 11:6

এ মানুচ্চুনে যেদক বিলোন ভাববাদী ইজেবে কধা কবাক্ সেদক বিলোন যেন ঝড় ন-অয় সেনত্যে আগাজ্‌চান নাঢি দিবার খেমতা তারার্ থেবঅ। পানিগানরে লো বানেবার আর যেদকবার আওজ্ সেদকবার যে কনঅ আঘাত্‌তোই পিত্‌থিমীগানরে ক্ষোতি গুরিবার খেমতায়ো তারার্ থেবঅ।

ফগদাং পেইয়্যে 13:1

ইয়েন পরেদি মুই এক্কো য়েমানরে দোজ্জ্যে সাগর ভিদিরেত্তুন্ উদি এত্তে দেগিলুং। সেই য়েমান্নোর্ দোশ্‌চো শিং আর সাত্‌টো মাঢা এলাক্। সেই শিঙুনো উগুরে দোশ্‌চো মুকুট এলঅ আর মাঢাগুনো উগুরে গোজেনরে অগমান গুরিবাত্যে নানান্ বাবোত্যে নাঙ্ লেগা এলঅ।