ফগদাং পেইয়্যে 16:1 - Chakma Bible

¹ যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”

ফগদাং পেইয়্যে 16:1 Iomraidhean Croise

গীতসংহিতা 79:6

যিগুনে তরে মানি ন-নেযান্ সেই জাদ্‌তুনো উগুরে তঅ রাগ্‌কান ঢালি দে, ঢালি দে সে রেজ্যগানি উগুরে যিগুনে তরে তর্ যোগাজ্যে সর্মান ন-দুয়োন্;

যিরমিয় 10:25

যিদুক্কুন জাদে তরে স্বিগের্ ন-গরন, যিগুনে তরে ন-ডাগন, তারা উগুরে তঅ রাগ্‌‍‍‍কান ঢালি দে। তারা যাকোবরে পুরোপুরি ভস্ত গোজ্যন, তারা দেজ্‌‍‍‍চানরে ভস্ত গুরি দুয়োন।

যিহিষ্কেল 10:2

লগেপ্রভু মসীনার কাবড় উজ্যে মানুচ্চোরে কলঅ, “করূব্‌‌‌‌‌‌‌‌‌পুনোর তলে যে চাক্কাগুন আগন্ তুই সিগুনো ভিদিরে যাহ্। সে করূব্‌‌পুনোর সংমোধ্যেত্তুন্ তুই দ্বিআঢে ভুরিনে জোল্‌‌জোল্যে আঙারা লোইনে শঅর উগুরে ছিদি দে।” মঅ চোগো মুজুঙোত্ মানুচ্চো সিয়েনত্ সোমেল।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 14:15

সে পরেদি আর এক্কো স্বর্গদূত্ উবোসনা-ঘরত্তুন্ নিগিলি এলঅ আর যিবে সেই মেঘ্‌কান উগুরে বৈ এলঅ তারে রঅ ছাড়িনে কলঅ, “তঅ চারিগান্ বাজা, শোজ্জ্য কাব্, কিয়া শোজ্জ্য কাবিবার অক্‌ত ওইয়্যে; পিত্‌থিমীর শোজ্জ্যগানি পুরোপুরি পাগি যেইয়্যে।”

ফগদাং পেইয়্যে 14:18

সে পরেদি পূজোবোত্তুন্ আর এক্কো স্বর্গদূত্ নিগিলি এলঅ। আগুনো উগুরে তার্ খেমতা এলঅ। যে স্বর্গদূত্‌তো ইধু ধার্‌বলা চারি এলঅ তারে এ স্বর্গদূত্‌তো জোরে ডাগিনে কলঅ, “তর্ ধার্‌বলা চারিগান্ বাজা আর পিত্‌থিমীর আঙ্গুর গাজত্তুন্ আঙ্গুরো থুপ্পুন্ কাবিনে থুবো, কিয়া আঙ্গুরুন পাগি যেয়োন।”

ফগদাং পেইয়্যে 15:1

যেরেদি মুই স্বর্গত্ আর এক্কান দাঙর্ আর আমক্ অবার্ চিহ্নো দেগিলুং। দেগিলুং, সাতজন স্বর্গদূত আর তারার্ আঢত্ শেজর্ সাত্‌তান আঘাত। ইয়েনিরে শেজর্ আঘাত কুয়ো অর্ কিয়া ইয়েনিলোই গোজেনর্ রাগর্‌অ থুম্ অবঅ।

ফগদাং পেইয়্যে 16:17

যেরেদি সাত-লম্বর দূত্‌তো তা কদরাবো বৈয়্যেরত্ উবোত্ গুরিলো। সেক্কে উবোসনা-ঘরর সিংহাসনানত্তুন্ জোরে এ কধানি কুয়ো অলঅ, “যিয়েন অবার সিয়েন ওই যেয়্যে।”

১ শমূয়েল 15:18

তে তরে এক্কান কামত্‌ পাদেয়্যে আর কোইয়্যেদে, ‘তুই যেইনে সেই পাপীগুনোরে, অত্তাৎ অমালেকীয়গুনোরে এক্কুবারে শেজ্‌ ন-অনা সং তারা সমারে যুদ্ধো গুরিবে।’

১ শমূয়েল 15:3

ইক্কিনে তুই যেইনে অমালেকীয়গুনোরে আক্রমণ গুরিবে আর তারার্ যিয়েনি আঘে বেক্কানি ভস্ত গুরি ফেলেবে; তারা উগুরে কনঅ দোয়্যে ন-গুরিবে। তারার মিলে-মরদ, ঝি-পূঅ, দুধ-খাইদে চিগোন চিঝি, গোরু-ভেড়াছাগল, উট, গাধা বেক্কুন্‌ মারে ফেলেবে।’”