ফগদাং পেইয়্যে 15:6 - Chakma Bible

⁶ সেক্কে সেই সাতজন স্বর্গদূত্ সাত্‌তান আঘাত লোইনে উবোসনা-ঘরত্তুন্ নিগিলি এলাক্। তারার্ কিয়্যেনিত এলঅ সাব্ চোক্‌চোক্যে কাবড় আর বুগোত্ বান্যে এলঅ সনার পট্টি।

ফগদাং পেইয়্যে 15:6 Iomraidhean Croise

দানিয়েল 10:5

এন্ সময়োত্ মুই রিনি চেইনে মসীনার কাবড় উজ্যে আর কমরত্ আজল্ সোনার কমর-বিজোনি দিয়্যে এক্কো মান্‌জ্যরে দেগিলুং।

লূকে লেখ্যে গম্ হবর্ 24:4

যেক্কে তারা আমক্ ওইনে সে পৌইদ্যেনে ভাবদন্ সেক্কে দেবা ঝিমিলেনি ধোক্ক্যেন্ জ্বোল্‌‌জোল্ল্যে কাবড় উজ্যে দ্বিজন্ মানুচ্‌ তারা কায় কুরে এইনে থিয়্যেলাক্।

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

ফগদাং পেইয়্যে 14:15

সে পরেদি আর এক্কো স্বর্গদূত্ উবোসনা-ঘরত্তুন্ নিগিলি এলঅ আর যিবে সেই মেঘ্‌কান উগুরে বৈ এলঅ তারে রঅ ছাড়িনে কলঅ, “তঅ চারিগান্ বাজা, শোজ্জ্য কাব্, কিয়া শোজ্জ্য কাবিবার অক্‌ত ওইয়্যে; পিত্‌থিমীর শোজ্জ্যগানি পুরোপুরি পাগি যেইয়্যে।”

ফগদাং পেইয়্যে 14:17

যেরেদি স্বর্গর্ উবোসনা-ঘরত্তুন্ আর এক্কো স্বর্গদূত্ নিগিলি এলঅ। তা ইধুয়ো এক্কান ধার্‌বলা চারি এলঅ।

ফগদাং পেইয়্যে 15:1

যেরেদি মুই স্বর্গত্ আর এক্কান দাঙর্ আর আমক্ অবার্ চিহ্নো দেগিলুং। দেগিলুং, সাতজন স্বর্গদূত আর তারার্ আঢত্ শেজর্ সাত্‌তান আঘাত। ইয়েনিরে শেজর্ আঘাত কুয়ো অর্ কিয়া ইয়েনিলোই গোজেনর্ রাগর্‌অ থুম্ অবঅ।

ফগদাং পেইয়্যে 19:8

চোক্‌‌চোক্যে, সাব্ আর নিগুজ্ কুজি কাবড় তারে পিনিবাত্যে দিয়্যে ওইয়্যে। সেই কাবড়ান অলঅ গোজেন মানুচ্চুনোর ধর্ম লক্কণ।”