ফগদাং পেইয়্যে 15:3 - Chakma Bible

³ তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!

ফগদাং পেইয়্যে 15:3 Iomraidhean Croise

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

১ বংশধর 6:49

মাত্তর্‌ হারোণ আর তা বংশর মানুচ্চুনে গোজেন চাগর্‌ মোশির বেক্‌ উগুম মজিম্ পূজ্যে-উৎসর্ব ডালি আর আগর্‌বাট্টি-পূজো উগুরে উৎসর্ব অনুষ্ঠানানি গুরিদাক্‌ আর দাঙর্‌ সুদ্ধো-সাংগ জাগানিত্‌ যিয়েনি গুরিবার দরকার্‌ সিয়েনি গুরিদাক্‌ আর ইস্রায়েল জাদ পাপ্পানি ঢাগি দিবার্‌ বেবস্থা গুরিদাক্‌।

২ বংশধর 24:6

সেনত্তে রাজা আজল্‌ ধর্মগুরু যিহোয়াদারে ডাগি আনিনে কলঅ, “সাক্ষ্য-তাম্বুলোত্তে লগেপ্রভুর চাগর্‌ মোশি ইস্রায়েলর বেক্‌ মানুচ্চুনো উগুরে যে খাজানা বোজেয়্যে সিগুন্‌ যিহূদা আর যিরূশালেমত্তুন্‌ আদায় গুরিবাত্তে তুই লেবীয়গুনোরে পাধেই ন-দুয়োচ্‌ কিত্তে?”

নহিমিয় 9:14

তর্‌ পবিত্র জিরেবার্‌ দিন্নো পৌইদ্যেনে তুই তারারে জানেয়োচ্‌ আর তঅ্‌ চাগর্‌ মোশির মাধ্যমে তুই তারারে উগুম্‌, সুদোম আর আইন দুয়োচ্‌।

ইয়োব 36:24

তা কামানি নাঙ্ গিনিবাত্যে ভুলি ন-যেবা; গানর মাধ্যমে দঅ মান্‌জ্যে তা কামর্ বাঈনী গোজ্যন্।

ইয়োব 5:9

তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

গীতসংহিতা 100:5

লগেপ্রভু মংগলময়, তার কোচ্‌পানা উমরত্যে থিদেবর্; তার বিশ্বেজ্‌ছান বংশর পর বংশ ধুরি চলে।

গীতসংহিতা 105:5

ও তার চাগর অব্রাহামর বংশধরুন্, তার বেঈ লোইয়্যে যাকোবর পুয়োছাগুন্, তুমি তার দাঙর্ কামানির কধা ইদোত্ রাগঅ; তার আমক্ অবার কামানির্ কধা আর বিচেরর যে সাজার কধা তে কোইয়্যে সিয়েন ইদোত্ রাগঅ।

গীতসংহিতা 111:2

লগেপ্রভুর বেক কামানি দোল্; যিগুনে সিয়েনিলোই হুজি অন্ তারা সিয়েনিলোই ধ্যান গরন্।

গীতসংহিতা 111:7

তার্ বেক কামানিত্ তে বিশ্বেজি আর অমকদ গম; তার বেক সুদোমানি বিশ্বেজ্ গুরিবার।

গীতসংহিতা 139:14

মুই তরে বাঈনী গরং, কিত্তে মুই অমকদ আমক্ ওইদ্যে ধোক্ক্যেন ওইয়োং; আমক্ অবার্ তর্ বেক্ কামানি, মুই সিয়েন গমেডালে হবর্ পাং।

গীতসংহিতা 145:17

লগেপ্রভু তার বেক্ পধেদি ন্যায়বলা আর বেক্ কামদি বিশ্বেজি।

গীতসংহিতা 145:6

মান্‌জ্যে তর্ দর্‌গরেপারা আমক্ অবার কামানির খেমতার কধানি কবাক্, আর মুই তর্ গম্ গম্ কধানি ফগদাং গুরিম।

গীতসংহিতা 18:30

গোজেন পধেদি কনঅ ভেজাল্ নেই; লগেপ্রভুর কধানি খাটি বিলিনে ফগদাং ওইয়্যে। তেয়ই তাইদু আশ্রয় লোইয়্যে বেক্কুনোর্ ঢাল।

গীতসংহিতা 78:12

ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

গীতসংহিতা 92:5

ও লগেপ্রভু, তর্ বেক কামানি কেজান্ দোল্ আর তর্ চিন্তেগান কত্তমান্ গভিন!

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

যিশাইয় 33:22

লগেপ্রভুই আমার ন্যায়বিচেরক্ আর আমার সুদোম্ দিয়্যে; লগেপ্রভুই আমার রাজা, তেয়ই আমারে রোক্ষ্যে গুরিবো।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

দানিয়েল 9:11

ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

সফনিয় 3:5

সিয়েন সংমোধ্যে বজত্তি গুরিয়্যে লগেপ্রভু ন্যায়বলা; তে কনঅ অন্যেয় ন-গরে। পত্তিদিন বেন্যে মাদান্ তে ন্যায়বিচের্ গরে; সিয়েন গুরিবাত্তে তে ভুলি ন-যায়। মাত্তর্ অন্যেয়গুরিয়্যেগুনোর লাজ্ নেই।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

দ্বি’লম্বর বিররণ 31:30

সে পরেন্দি মোশি এই গানর কধানি পোইল্যেত্তুন ধুরি যেরেন্দি সং বেক্‌ ইস্রায়েলীয়গুনোরে শুনেল:

দ্বি’লম্বর বিররণ 32:3

মুই লগেপ্রভুর নাঙান্‌ ফগদাং গুরিম্‌। তুমি আমার গোজেনর মহিমা-গান গরঅ।

দ্বি’লম্বর বিররণ 34:5

লগেপ্রভু যিয়েন কোইয়্যে সে মজিম লগেপ্রভুর চাগর মোশি সেই মোয়াব দেজত্‌ মুরি গেলঅ।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

ইব্রীয় 3:5

ঘেচ্চ্যেকগুরি মোশি গোজেনর্ ঘোর্‌বো সেবাগুরিয়্যে ইজেবে বিশ্বেজি এলঅ, যেন ভবিচ্চদে যিয়েনি কুয়ো অবঅ সিয়েনি পৌইদ্যেনে তে স্বাক্ষ্য দি পারে।

যিহোশূয় 22:5

মাত্তর্‌ যেদক্কানি উগুম্‌ আর রীদি-সুুদোম লগেপ্রভুর্‌ চাগর্‌ মোশি তমারে দি যেইয়্যে সিয়েনি পালেবাত্তে মন্‌ দুয়ো। তমা গোজেন লগেপ্রভুরে কোচ্‌পেইয়ো, তা পথ্‌তানন্দি আদঅ‌, তার্‌ বেক্‌ উগুমানি পালঅ‌, তারে আজাবোদে ধরঅ‌ আর তমার্‌ বেক্‌ মনান্‌ আর পরাণান্‌ দিইনে তার সেবা গরঅ।”

ফগদাং পেইয়্যে 1:8

প্রভু গোজেনে কত্তে, “মুয়ই সেই আল্‌ফা আর ওমিগা যিবে আঘে, যিবে এলঅ আর যিবে এজের্। মুয়ই বেগত্তুন্ খেমতাবলা।”

ফগদাং পেইয়্যে 11:17

“বেগত্তুন্ খেমতাবলা প্রভু গোজেন, তুই আঘচ্ আর তুই আগে এলে। আমি তরে ভালেদি জানেই, কিত্যেই তুই তর্ দাঙর্ খেমতালোই রাজাগিরি গত্তে আরাম্ভ গোজ্জ্যস্।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 14:8

যেরেদি দ্বি-লম্বর আর এক্কো স্বর্গদূত তা পিজে পিজে এইনে কলঅ, “সেই নাঙ্-গোজ্জ্যে বাবিল শঅরান্ ভস্ত ওই যেইয়্যে। যে শঅরানে তার্ বেশ্যেগিরির্ মদ বেক্‌ জাদ্‌তুনোরে হাবেয়্যে সেই শঅরান্ ভস্ত ওই যেইয়্যে।”

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”