ফগদাং পেইয়্যে 15:1 - Chakma Bible

¹ যেরেদি মুই স্বর্গত্ আর এক্কান দাঙর্ আর আমক্ অবার্ চিহ্নো দেগিলুং। দেগিলুং, সাতজন স্বর্গদূত আর তারার্ আঢত্ শেজর্ সাত্‌তান আঘাত। ইয়েনিরে শেজর্ আঘাত কুয়ো অর্ কিয়া ইয়েনিলোই গোজেনর্ রাগর্‌অ থুম্ অবঅ।

ফগদাং পেইয়্যে 15:1 Iomraidhean Croise

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

ফগদাং পেইয়্যে 11:14

এবাবোত্যেগুরি দ্বি-লম্বর দজাগান থুম্ অলঅ। চাহ্, যাদিমাদি তিন-লম্বর দজাগান এজের্।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 14:19

সেক্কে সেই স্বর্গদূত্‌তো পিত্‌থিমীত তার্ চারিগান্ বাজেল আর পিত্‌থিমীর আঙ্গুর গাজত্তুন্ বেক্‌ আঙ্গুরুন কাবিনে থুবেল। যেরেদি সিগুন আঙ্গুর মাড়িবার গাঢ ভিদিরে ফেলেই দিলো। এই আঙ্গুর মাড়িবার গাঢ্‌তো অলঅ গোজেনর্ দর্‌গরেপারা রাগ্।

ফগদাং পেইয়্যে 16:1

যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”

ফগদাং পেইয়্যে 17:1

যে সাতজন স্বর্গদূতো আঢত্ সাত্‌টো কদরা এলাক্ তারাত্তুন্ একজনে এইনে মরে কলঅ, “বজমান পানি উগুরে যে দাঙর্ বেশ্যেবো বৈ আঘে, আয়, মুই তার সাজা তরে দেগাং।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”

ফগদাং পেইয়্যে 8:2

যে সাতজন স্বর্গদূত্ গোজেন মুজুঙোত্ থিয়্যেই থান্ মুই তারারে দেগিলুং। তারা আঢত্ সাত্তো তূরী দিয়্যে অলঅ।

ফগদাং পেইয়্যে 8:6

যে সাতজন স্বর্গদূতো আঢত্ সাত্‌টো তূরী এলঅ, ইয়েনর্ পরেদি তারা সিগুন বাজেবাত্যে যুক্কোল্ অলাক্।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।