ফগদাং পেইয়্যে 14:7 - Chakma Bible

⁷ তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 14:7 Iomraidhean Croise

পত্থম 22:12

দূত্তো কলঅ, “পুয়োবোরে মারে ফেলেবাত্তে আত্‌ ন-তুলিচ্‌ বা তা উগুরে আর কিচ্ছু ন-গুরিচ্‌। তুই যে ‌গোজেন ভক্ত সিয়েন্‌ ইক্কিনে বুঝো গেলঅ, কিত্তে মঅ নাঙে তুই তঅ পুয়োবোরে, বানা এক্কো পুয়োরে উৎসর্ব গর্‌তে পিজেন্দি ন-আলাচ্‌।”

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গীতসংহিতা 115:15

লগেপ্রভু, যিবে স্বর্গ আর পিত্‌থিমীগান বানেয়্যে, তে তমারে বর্ দোক্।

গীতসংহিতা 124:8

লগেপ্রভু, যিবে আগাজ আর পিত্‌থিমীগান বানেয়্যে, তাত্তুনই আমার এজালান্ এজে।

গীতসংহিতা 33:6

লগেপ্রভুর কধালোই পিথ্‌তিমীগান ওইয়্যে; সিয়েন ভিদিরে বেক্কানি ওইয়্যেদে তা মুয়ো নিজেস‌্‌চোই। ‌

গীতসংহিতা 36:1

পাজিগুনোর দুষোর্ পৌইদ্যেনে মঅ মনানে গোজেনর্ এ বাণীগান পেইয়্যে, “পাজিগুনে গোজেনরে ন-দরান্।”

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

গীতসংহিতা 95:5

দোজ্যে সাগরান্ তার, কিত্তে তেয়ই সিয়েন বানেয়্যে; ভূইয়ান তা আঢে বানেয়্যে।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 40:6

একজন রঅ কত্তে, “ফগদাং গরঅ।” মুই কলুং, “মুই কি ফগদাং গুরিম্?” “বেক্ মানুচ্চুনে দঅ ঘাজ ধোক্ক্যেন্, ঘাজ ফুলো ধোক্ক্যেন তারার্ বেক্ দোলান।

যিশাইয় 40:9

ও সিয়োন, গম্ হবর্ তুই যে আন্যস্, তুই অজল্ মুড়োবোত্ যেইনে উঠ্। ও যিরূশালেম, গম্ হবর্ যে তুই আন্যস্, তুই দাঙর্ দাঙর্ গুরি রঅ ছাড়্, রঅ ছাড়্, ন-দোরেচ্; যিহূদার শঅরানিরে কঅ, “এইদঅ তমার গোজেন!”

যিশাইয় 42:12

তারা লগেপ্রভুর বাঈনী গোরোদোক্; দূরো দেজ্‌ছানি ভিদিরে তারে নাঙ্ গিনেনাগান্ ফগদাং গোরোদোক্।‌

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিহিষ্কেল 7:2

“ও মান্‌‌জ্যর্ পুয়োবো, ইস্রায়েল দেজ ইধু মুই প্রভু লগেপ্রভু এ কধাগান কঙর্, ‘চাহ্, শেজ্ সময়! দেজ চেরোকিত্তে শেজ্ সময়ান এচ্চ্যে!

যিহিষ্কেল 7:6

শেজ্ সময়ান এচ্চ্যে! তমা বিরুদ্ধে সিয়েন জাগি উঠ্যে, সিয়েন লুম্মেগি!

দানিয়েল 8:19

তে কলদে, রাগর্ সময় শেজদি যিয়েনি ঘুদিবো সিয়েনি মুই তরে কঙর্, কারন দর্শনান্ অলঅ শেজকালর্ ঠিগ্ গোজ্যে সময়ো পৌইদ্যেনে।

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

লূকে লেখ্যে গম্ হবর্ 17:18

গোজেনরে বাঈনী গুরিবাত্যে এ বিদেশী মানুচ্চো বাদে আর কেঅ কি ফিরি ন-এলাক্?”

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 16:9

সেক্কে অমকদ গরমে মানুচ্চুনোর কিয়্যেগানি পুড়ি গেলঅ, আর এই আঘাত উগুরে যিবের খেমতা আঘে তারা সেই গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”

ফগদাং পেইয়্যে 18:17

এদক্ কম সময়ো ভিদিরে তর্ এমন বেক ধন-সোম্বোত্তিগানি বর্‌বাদ্ ওই যেইয়্যে!” জাহাজর্ আজল্ ধর্মগুরুগুন, পানি পধেদি যেইয়্যেগুন, নাবিক্কুন আর সাগরত্ যিগুনে বেবসা-বানিজ্য গরন তারা বেক্কুনে দূরোত্ থিয়্যেই থেলাক্।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”

ফগদাং পেইয়্যে 19:5

সেক্কে সিংহাসনত্তুন্ একজনে কলঅ, “গোজেনর্ চাগরুন আর তুমি যিগুনে গোজেনরে ভোক্তি গুরিনে দরঅ, তুমি চিগোন-দাঙর্ বেক্কুনে আমা গোজেনর্ বাঈনী গরঅ।”

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”

ফগদাং পেইয়্যে 4:9

উমরত্যে জেদা প্রভু গোজেন, যিবে সিংহাসনত্ বৈ আঘে, এই জেদা পরাণবলাগুনে যেলক্কে তারে বাঈনী, সর্মান আর ভালেদি জানায়,

ফগদাং পেইয়্যে 8:10

যেরেদি তিন-লম্বর স্বর্গদূত্‌তো তা তূরীবো বাজেল। সেক্কে এক্কো দাঙর্ তারা জোল্‌জোল্ল্যে গুরি জ্বলদে জ্বলদে আগাজত্তুন্ পড়িলো।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।