ফগদাং পেইয়্যে 14:6 - Chakma Bible

⁶ সে পরেদি মুই আর এক্কো স্বর্গদূতোরে আগাজর্ ভালোদ্দুর্ অজলত্ উড়োদে দেগিলুং। পিত্‌থিমীত্ বজত্তি গুরিয়্যে মানুচ্চুনো ইধু, অত্তাৎ পত্তি জাত্, গুট্টি, ভাযা আর দেজর্ মানুচ্চুনো ইধু ফগদাং গুরিবাত্যে তাইধু উমরর্ গম্ হবর্ এলঅ।

ফগদাং পেইয়্যে 14:6 Iomraidhean Croise

পত্থম 1:6

সে পরেদি গোজেনে কলঅ, “পানিগান ভিদিরে এক্কান ফারক্‌ জাগার সৃট্টি ওক্‌, আর সেনে পানিয়ান্‌ দ্বিভাগ ওই যোক্‌।”

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

গীতসংহিতা 119:142

তর্ ধার্মিকতাগান্ উমরত্তে থিদেবর্ গোজ্যে, আর তর্ বেক উগুমানি সত্য।

গীতসংহিতা 139:24

তুই চাহ্ মইদু এমন্ কিজু আঘে নাহি যিয়েনিয়ে দুখ্ দে; তুই মরে শেজ্ ন-ওইয়্যে জিংকানির পধেন্দি চালা।

গীতসংহিতা 145:13

তর্ রেজ্যগান জনমভুরি থিদেবর্ গোজ্যে রেজ্য; তর্ শাজনান্ বংশর পর বংশ ধুরিনে চলিবো।

যিশাইয় 40:8

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যিশাইয় 51:8

কিত্তে কাবড় ধোক্ক্যেন গুরি আর পশম ধোক্ক্যেন গুরি পুগে তারারে হেই ফেলেব। মাত্তর্ মর্ সততাগান উমরত্তে থেবঅ; মর্ দিয়্যে উদ্ধোরান্ বংশর পর বংশ ধুরি থিদেবর্ অবঅ।”

যিশাইয় 6:2

তা উগুরে এলাক্ কয়েক্কো সরাফ; তারার্ এক এক্কোর্ ছগান্ গুরি ডুয়ো এলঅ-দ্বিয়েন্ ডুয়োলোই তারা মুয়োন আর দ্বিয়েন ডুয়োলোই টেঙানি নাঢি রাগেয়োন আর দ্বিয়েন ডুয়োলোই তারা উড়োদন্।

যিহিষ্কেল 1:14

প্রাণীগুন ঝিমিলেনি ধোক্ক্যেনগুরি এজানা-যানা গরদন্।

দানিয়েল 4:1

পরেদি রাজা নবূখদ্‌‌‌‌সরে জগদর্ বেক জাদ ইধু, দেজর্ আর ভাষার মানুচ্চুনো ইধু এ হবরান্ পাদেল: তমার ভালেদি ওক্।

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

মথি লেখ্যে গম্ হবর্ 10:27

মুই তমা ইধু যিয়েনি আন্ধারত্ কঙর্ সিয়েনি তুমি পহ্‌রত্ কোয়ো। তুমি যিয়েনি কানে কানে শুনোর্ সিয়েনি ছাল উগুরেত্তুন্ ফগদাং গোজ্য।‍

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

২ থিষলনীকীয় 2:16

আমা প্রভু যীশু খ্রীষ্ট নিজে আর আমা বাবা গোজেনে তমা মনানত্ উচ্চোমি দুয়োক্ আর বেক্‌ গম কামানিত্ আর কধানিত তমারে থির্ রাগোক্। তেয়ই আমারে কোচ্‌পেইয়্যে আর দোয়্যে গুরিনে জদবদে উচ্চোমি আর হুজিয়ে ভরা আজা দান গোজ্জ্যে।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

১ পিতর 1:25

মাত্তর্ প্রভুর কধানি উমরত্যে থায়। আর এই কধানি সেই গম হবর্, যিয়েনি তমা ইধু ফগদাং গরা ওইয়্যে।

ফগদাং পেইয়্যে 10:11

সে পরেদি মরে এ কধাগান কুয়ো অলঅ, “তরে আরঅ ভালোক্কানি দেশ্, জাত্, ভাযা আর রাজা পৌইদ্যেনে ভবিচ্চদর্ কধা কুয়ো অবঅ।”

ফগদাং পেইয়্যে 10:7

মাত্তর্ সাত-লম্বর স্বর্গদূত্‌তো তা তূরীবো বাজেবার দিনোত্ গোজেনর্ গুমুরো উদ্দেচ্চ্যগান পরিপূরোণ অবঅ। গোজেনে তা নিজো চাগরুনো ইধু, অত্তাৎ ভাববাদীগুনো ইধু যিয়েনি জানেয়্যে ঠিগ্ সেবাবোত্যে গুরি ইয়েনি অবঅ।”

ফগদাং পেইয়্যে 13:7

গোজেন মানুচ্চুনোর বিরুদ্ধে যুদ্ধো গুরিনে তারারে জিদিবার খেমতা তারে দিয়্যে অলঅ আর পত্তি বংশ, দেশ, ভাযা আর জাদ মানুচ্চুনো উগুরে তারে অধিকার দিয়্যে অলঅ।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”