ফগদাং পেইয়্যে 14:5 - Chakma Bible

⁵ তারা কনদিনঅ মিজে কধা ন-কন্; আর তারা ভিদিরে কনঅ দুষ্ পাহ্ ন-যায়।

ফগদাং পেইয়্যে 14:5 Iomraidhean Croise

গীতসংহিতা 32:2

বর্‌পেইয়্যে সেই মানুচ্চো, যিবের্ অন্যেয়ানি লগেপ্রভু খেমা গোজ্যে আর যিবের্ মনত্ কনঅ ছলনা নেই।

গীতসংহিতা 34:13

সালে তে জিল্লোই বজং কধা ন-হোক্, আর ঠুট্‌তোই ছলনার্ কধা বার্ ন-গোরোক্।

গীতসংহিতা 55:11

সে ভিদিরে চলের্ ভস্ত অনার্ কাম; অত্যেচার আর ছলনার কামানি শঅর ভিদিরে আমিযে আঘে।

গম্ উপদেজ্ 8:8

মঅ মুয়ো কধানি বেক্কানি ঠিগ, সিয়েনিত্ বেঙাটেরা বা কুজুরোমি নেই।

পরমগীত 4:7

মর্ পরাণি, তঅ কিয়্যেগানর্ বেক্কানি দোল্, তঅ ভিদিরে কনঅ টেপ্‌পোজ্যে নেই।

যিশাইয় 53:9

যুনিয়ো তে কনঅ ক্ষোতি ন-গরে বা তা মুয়োত্ কনঅ ছলনার্ কধা ন-এলঅ, তো পাজিগুনো লগে তারে গোর্ দিয়্যে ওইয়্যে আর মুরিনে মুরি তে তাগোয়্যে মান্‌জ্যর সমাজ্যে ওইয়্যে।

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

হোশেয় 10:2

তা মানুচ্চুনোর মনানি অবিশ্বেজি; সেনত্তে ইক্কিনে তারার্ দুজোর্ বুদিগুন বুয়ো পুরিবো। লগেপ্রভু তারার্ পূজোগুন ভাঙি ফেলেব আর তারার্ পূজোর্ পাত্তরুন বর্‌‌‌বাত গুরি দিবো।

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

মালাখি 2:6

তারা মুজুঙোত্ সত্যর্ শিক্ষ্যে এলঅ আর সিয়েনত্ কনঅ মিজে ন-থেদঅ। সুগে শান্দিয়্যে আর গমেডালে তারা মঅ সমারে আদাউদো গুরিদাক্ আর ভালোক্ জনরে পাপত্তুন্ ফিরেদাক্।

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

লূকে লেখ্যে গম্ হবর্ 23:4

সেক্কে পীলাতে আঝল্ ধর্মগুরুগুনোরে আর বেক্ মানুচ্চুনোরে কলঅ, “মুই দঅ এ মানুচ্চোর্ কনঅ দুচ্‌ ন-দেগঙর্।”

যোহন 1:47

যীশু নথনেলরে নিজো ইন্দি এত্তে দেগিনে তা পৌইদ্যেনে কলঅ, “উইয়ো চাহ্, এক্কো আঝল্ ইস্রায়েলীয়। তা মনত্ কনঅ ছলনা নেই।”

কলসীয় 1:22

মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 3:10

পবিত্র বোইবোত্ লেগা আঘে, যে সুগী জিংকানি কাদেবার্ চায় আর সুদিন চেবার্ আজা গরে, ভান্ন্যেই কধাত্তুন্ তা জিলানরে, ছলনার্ কধাত্তুন্ তা ঠুদ্‌তোরে তে সামোলোক্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।