ফগদাং পেইয়্যে 14:20 - Chakma Bible

²⁰ শঅরর্ বারেদি আঙ্গুর মাড়িবার গাঢত্ সেই আঙ্গুরুন মাড়ানা অলে পরেদি সিগুনোত্তুন্ লো নিগিলি এলঅ আর ঘোড়াগুনোর জিম্ সোরেয়্যে সং উদিলো। সেক্কে প্রায় তিনশ কিলোমিটার সং বেক্‌ জাগানি লো-লোই ভুরি গেলঅ।

ফগদাং পেইয়্যে 14:20 Iomraidhean Croise

পত্থম 49:11

যিহূদা আংগুর্‌ গাজত্‌ তা গাধাগুন্‌ বানিবো, আর আংগুরো বোল্‌বোল্যে ডেলাবোত্‌ বানিবো গাধা ছবো। আংগুরো-রস্‌সোই তে তা কাবড়ানি কাজেব, আর আংগুরো রাঙা রস্‌ছোই কাবড়-চুগোরানি ধবঅ।

যিশাইয় 66:24

তারা নিগিলিনে সেই বেক্ মানুচ্চুনোর মরা কিয়্যেগানি দেগিবাক্ যিগুনে মঅ বিরুদ্ধে উল্লোমী গোজ্যন। যিদুক্কুন পুগে তারার্ মরা কিয়্যেনি হান্ সিগুনে ন-মুরিবাক্ আর যে আগুনানে তারারে পুড়ে সিয়েন ন-মুরিবো, আর তারা বেক্ মানুচ্চুনোর ঈচ্ গরেদে মানুচ্ অবাক্।”

আবিলেচ্ 1:15

লগেপ্রভু মঅ ভিদিরে বেক যোদ্ধাগুনোরে বাদ্ দিয়্যে; মর্ গাবুজ্যেগুনোরে ভস্ত গুরিবাত্তে মঅ বিরুদ্ধে এক্কান সময় ঠিগ্ গোজ্যে। আংগুর মাড়েদে গাদত্ গাবুজ্যে মিলে যিহূদারে তে টেঙোই মাজ্যে।

যিহিষ্কেল 32:6

মুড়ো-মুড়ি সং মুই তর্ লোগান্দোই দেজ্‌‌‌‌‌চান ভিজেম্; সেক্কে তঅ লোগান্দোই গঙার পানিগান রাঙা ওই যেবঅ।

যোয়েল 3:13

তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

দ্বি’লম্বর বিররণ 32:14

তে তারে হাবেল গোরুর দুধোর্ দই ছাগল আর ভেড়ার দুধ, আর হাবেল পক্তা-মক্তা ভেড়া ছাগলর্ য়েরা, ছাগলর য়েরা আর বাশন দেজর পাদা ভেড়া ছাগলর্ য়েরা। তে তারে হাবেল পক্তা-মক্তা গম। ও ইস্রায়েল, তুই গেজে উঠ্‌ আংগুর-রস হেইয়োচ্‌।

ফগদাং পেইয়্যে 11:8

তারার্ প্রভুরে যে শঅরত্ ক্রুশোত দিয়্যে ওইয়্যে সেই দাঙর্ শঅরানর্ পধত্ তারার কিয়্যেনি পড়ি থেবঅ। সেই শঅরানর্ নাঙান্ সদোম আর মিসরঅ কুয়ো অয়।