ফগদাং পেইয়্যে 14:18 - Chakma Bible

¹⁸ সে পরেদি পূজোবোত্তুন্ আর এক্কো স্বর্গদূত্ নিগিলি এলঅ। আগুনো উগুরে তার্ খেমতা এলঅ। যে স্বর্গদূত্‌তো ইধু ধার্‌বলা চারি এলঅ তারে এ স্বর্গদূত্‌তো জোরে ডাগিনে কলঅ, “তর্ ধার্‌বলা চারিগান্ বাজা আর পিত্‌থিমীর আঙ্গুর গাজত্তুন্ আঙ্গুরো থুপ্পুন্ কাবিনে থুবো, কিয়া আঙ্গুরুন পাগি যেয়োন।”

ফগদাং পেইয়্যে 14:18 Iomraidhean Croise

যোয়েল 3:13

তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

মার্ক 4:29

দানাগুন্ পাগিলে পরেদি তে চারি বাজেল, কিয়া ফসল কাবিবার্ সময় ওইয়্যে।”

ফগদাং পেইয়্যে 16:7

মুই পূজোবোত্তুন্ একজনরে এ কধাগান কধে শুনিলুং: “বেগত্তুন্ খেমতাবলা প্রভু গোজেন, তর বেক্‌ বিচেরানি সত্য আর ন্যায়ে ভরা।”

ফগদাং পেইয়্যে 16:8

চের-লম্বর স্বর্গদূত্‌তো বেলান উগুরে তা কদরাবো উবোত্ গুরিলো। সেক্কে মানুচ্চুনোরে আগুনদোই পুড়ি ফেলেবাত্যে বেলানরে খেমতা দিয়্যে অলঅ।

ফগদাং পেইয়্যে 8:3

ইয়েনর্ পরেদি আর এক্কো স্বর্গদূত এইনে ডালি পূজোবো মুজুঙোত্ থিয়্যেল। তা আঢত্ এক্কো সনার ধূব্ টগ্ এলঅ। তারে বেশ্ গুরিনে ধূব্ দিয়্যে অলঅ যেনে তে সিংহাসন মুজুঙোত্ সনার ডালি পূজোবো উগুরে গোজেনর্ বেক্‌ মানুচ্চুনোর তবনার সমারে সেই ধূব্‌‌পুন্ উৎসর্ব গরে।