ফগদাং পেইয়্যে 14:17 - Chakma Bible

¹⁷ যেরেদি স্বর্গর্ উবোসনা-ঘরত্তুন্ আর এক্কো স্বর্গদূত্ নিগিলি এলঅ। তা ইধুয়ো এক্কান ধার্‌বলা চারি এলঅ।

ফগদাং পেইয়্যে 14:17 Iomraidhean Croise

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 14:16

সেক্কে যিবে সেই মেঘ উগুরে বৈ এলঅ তে পিত্‌থিমীত তা চারিগান্ বাজেল, আর পিত্‌থিমীর শোজ্জ্যগুন কাবা অলঅ।

ফগদাং পেইয়্যে 14:18

সে পরেদি পূজোবোত্তুন্ আর এক্কো স্বর্গদূত্ নিগিলি এলঅ। আগুনো উগুরে তার্ খেমতা এলঅ। যে স্বর্গদূত্‌তো ইধু ধার্‌বলা চারি এলঅ তারে এ স্বর্গদূত্‌তো জোরে ডাগিনে কলঅ, “তর্ ধার্‌বলা চারিগান্ বাজা আর পিত্‌থিমীর আঙ্গুর গাজত্তুন্ আঙ্গুরো থুপ্পুন্ কাবিনে থুবো, কিয়া আঙ্গুরুন পাগি যেয়োন।”

ফগদাং পেইয়্যে 16:1

যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”

ফগদাং পেইয়্যে 16:17

যেরেদি সাত-লম্বর দূত্‌তো তা কদরাবো বৈয়্যেরত্ উবোত্ গুরিলো। সেক্কে উবোসনা-ঘরর সিংহাসনানত্তুন্ জোরে এ কধানি কুয়ো অলঅ, “যিয়েন অবার সিয়েন ওই যেয়্যে।”