ফগদাং পেইয়্যে 14:15 - Chakma Bible

¹⁵ সে পরেদি আর এক্কো স্বর্গদূত্ উবোসনা-ঘরত্তুন্ নিগিলি এলঅ আর যিবে সেই মেঘ্‌কান উগুরে বৈ এলঅ তারে রঅ ছাড়িনে কলঅ, “তঅ চারিগান্ বাজা, শোজ্জ্য কাব্, কিয়া শোজ্জ্য কাবিবার অক্‌ত ওইয়্যে; পিত্‌থিমীর শোজ্জ্যগানি পুরোপুরি পাগি যেইয়্যে।”

ফগদাং পেইয়্যে 14:15 Iomraidhean Croise

পত্থম 15:6

অব্রাম লগেপ্রভুর কধা বিশ্বেজ্ গুরিলো আর লগেপ্রভু সেনত্তে তারে ধার্মিক্‌ ইজেবে মানি ললঅ।

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিরমিয় 51:33

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, “বাবিল-ঝি শোজ্য মারিবার সময়োর হানা ধোক্ক্যেন ওইয়্যে; খেত্-খেত্তি কাবেদে ধোক্ক্যেন তারে কাবি ফেলেবার সময় যাদিমাদি এবঅ।”

যোয়েল 3:13

তারার্ পাজি কামানি বোউত্, সেনত্তে তুমি চারি বাজঅ, কিত্যে খেত্-খেত্তি পাক্যে। তুমি এইনে আংগুর মাড়, কিত্যে আংগুর মাড়েদে গাঢ্‌‌তো ভোজ্যে। আংগুর-রসর্ পিলেবোত্তুন্ রস উদুরে পড়ের্।”

মথি লেখ্যে গম্ হবর্ 13:30

শোজ্য কাবিবার অক্ত সং ইগুনোরে একসমারে বাড়িবাত্তে দুয়ো। যিগুনে শোজ্য কাবন্, মুই সেক্কে তারারে কোম্ যেন তারা পত্তমে লেঙেরা ঘাস্‌চানি থুবেইনে পুড়িবাত্তে বনা বনা গুরি বানন্, আর সে পরেদি গমুন্ মঅ গোলা ঘরত্ তুবোন্।’ ”

মথি লেখ্যে গম্ হবর্ 13:39

যে শত্রুবো বীজি ফেলেয়্যে তে অলঅ শদান্, আর শোজ্য কাবিবার অক্তবো অলঅ এ যুগোর্ থুম্ সময়। যিগুনে শোজ্য কাবিবাক্ তারা অলাক্ স্বর্গদূত।

মথি লেখ্যে গম্ হবর্ 23:32

সালে তমা পূরোণি মানুচ্চুনে যিয়েনি আরাম্ভ গুরি যেইয়োন্ সিয়েনর্ বাদ্‌বাগি ভাগ্‌কান তুমি শেজ্ গরঅ।

মার্ক 4:29

দানাগুন্ পাগিলে পরেদি তে চারি বাজেল, কিয়া ফসল কাবিবার্ সময় ওইয়্যে।”

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 13:12

এই য়েমান্নো পত্তম য়েমান্নো ওইনে তার্ বেক খেমতাগান বেবহার গরা ধুরিলো; আর যিগুনে এ পিত্‌থিমীর তারারে দিইনে তে সেই পত্তম্ য়েমান্নো, অত্তাৎ যিবের্ জদবদে আঘাত্‌তান গম ওই যেইয়্যে তারে গোজেন কোইনে সালাম গোরেল।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।

ফগদাং পেইয়্যে 14:16

সেক্কে যিবে সেই মেঘ উগুরে বৈ এলঅ তে পিত্‌থিমীত তা চারিগান্ বাজেল, আর পিত্‌থিমীর শোজ্জ্যগুন কাবা অলঅ।

ফগদাং পেইয়্যে 14:17

যেরেদি স্বর্গর্ উবোসনা-ঘরত্তুন্ আর এক্কো স্বর্গদূত্ নিগিলি এলঅ। তা ইধুয়ো এক্কান ধার্‌বলা চারি এলঅ।

ফগদাং পেইয়্যে 14:18

সে পরেদি পূজোবোত্তুন্ আর এক্কো স্বর্গদূত্ নিগিলি এলঅ। আগুনো উগুরে তার্ খেমতা এলঅ। যে স্বর্গদূত্‌তো ইধু ধার্‌বলা চারি এলঅ তারে এ স্বর্গদূত্‌তো জোরে ডাগিনে কলঅ, “তর্ ধার্‌বলা চারিগান্ বাজা আর পিত্‌থিমীর আঙ্গুর গাজত্তুন্ আঙ্গুরো থুপ্পুন্ কাবিনে থুবো, কিয়া আঙ্গুরুন পাগি যেয়োন।”

ফগদাং পেইয়্যে 15:6

সেক্কে সেই সাতজন স্বর্গদূত্ সাত্‌তান আঘাত লোইনে উবোসনা-ঘরত্তুন্ নিগিলি এলাক্। তারার্ কিয়্যেনিত এলঅ সাব্ চোক্‌চোক্যে কাবড় আর বুগোত্ বান্যে এলঅ সনার পট্টি।

ফগদাং পেইয়্যে 16:17

যেরেদি সাত-লম্বর দূত্‌তো তা কদরাবো বৈয়্যেরত্ উবোত্ গুরিলো। সেক্কে উবোসনা-ঘরর সিংহাসনানত্তুন্ জোরে এ কধানি কুয়ো অলঅ, “যিয়েন অবার সিয়েন ওই যেয়্যে।”

ফগদাং পেইয়্যে 6:10

তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”