ফগদাং পেইয়্যে 14:11 - Chakma Bible

¹¹ যে আগুনানে এ মানুচ্চুনোরে যন্ত্রণা দিবো সেই আগুনানর্ ধূমোগান উমরত্যে উদোনাত্ থেবঅ। যে মানুচ্চো সেই য়েমান্নো আর তা মূত্তিবোরে পূজো গুরিবো আর তা নাঙানর্ চিহ্নোগানরে লবঅ তে দিনোত্ বা রেদোত্ কনদিনঅ জিরেন্ ন-পেবঅ।”

ফগদাং পেইয়্যে 14:11 Iomraidhean Croise

পত্থম 19:28

তে তলেদি সদোম, ঘমোরা আর বেক্‌ সংজাগায়ান ইন্দি রিনি চেইনে দেগিলোদে, চুলোত্তুন্‌ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্‌।

গীতসংহিতা 10:16

লগেপ্রভু উমরর্ রাজা; তা দেজ্‌‌ছানত্তুন্ অন্য জাদ্‌তুনে ভস্ত ওই যেবাক্।

গীতসংহিতা 145:1

ও মর্ গোজেন, ও রাজা, মুই তর্ গুণগান গুরিম; মুই জিংকানিবর্ তরে নাঙ্ গিনিম।

যাত্রা 15:18

ও লগেপ্রভু, যুগে যুগে তুয়ই‌ রাজগিরি গুরিবে।”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

যিশাইয় 34:10

দিনে রেদে কনদিন্অ সিয়েন ন-মুড়িবো; জিংকানিবর্ সিয়েনত্তুন্ ধূমো উদিবো। বংশর পর বংশ ধুরিনে সিয়েন খালি ওই পড়ি থেবঅ; কনজনে সিয়েন ভিদিরেদি আর্ কনদিন্অ ন-যেবাক্।

যিশাইয় 34:8

ইয়েনি অবঅ, কিত্তে হেনা সুজিবার্ লগেপ্রভুর এক্কো দিন আঘে, সিয়োনর্ পক্ক ওইনে সাজা দিবার্ এক্কো সময় আঘে।

যিশাইয় 57:20

মাত্তর্ পাজিগুনে দুলি দুলি থেইয়্যে বড় সাগর ধোক্ক্যেন যিয়েনর তুবোলানে পাক্‌কাবাই আর কাদা উগুরে তুলে।

দানিয়েল 3:6

যে মানুচ্চুনে মাঢা নিগিরি পড়িনে জু জু ন-জানেবাক্ তারে সেক্কে জোল্‌জোল্যে আগুনো চুলোত্ ফেলে দিয়্যে অবঅ।‌‌”

যোয়েল 2:30

মুই আগাজত্ আর পিত্‌‌থিমীত্ আমক্ আমক্ ঘটনা দেগেম, অত্তাৎ লো, আগুন আর অমকদ ধূমো দেগিবা।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

দ্বি’লম্বর বিররণ 28:65

সেই বেক্‌ জাদ্‌তুনো ভিদিরে তুমি শান্তি ন-পেবা, আর তমার জিরেবাত্তে কনঅ জাগা ন-থেবঅ। সিয়েনত্ লগেপ্রভু তমার মনানি ভান্ন্যেই চিদেলোই ভোরেই তুলিবো আর আজা গুরি চেই রোইয়্যে চোখ্‌কুন্‌ তমার চুলেই উদিবাক, আর তমার মনানি নিরাজাই ভোরেই দিবো।

ইব্রীয় 1:8

মাত্তর্ পুয়োবো পৌইদ্যেনে গোজেনে কোইয়্যেদে, “ও গোজেন, তর্ সিংহাসনান্ উমরত্যে; তর্ শাসনান্ ন্যায়র্ শাসন।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 13:12

এই য়েমান্নো পত্তম য়েমান্নো ওইনে তার্ বেক খেমতাগান বেবহার গরা ধুরিলো; আর যিগুনে এ পিত্‌থিমীর তারারে দিইনে তে সেই পত্তম্ য়েমান্নো, অত্তাৎ যিবের্ জদবদে আঘাত্‌তান গম ওই যেইয়্যে তারে গোজেন কোইনে সালাম গোরেল।

ফগদাং পেইয়্যে 13:15

সেই মূর্ত্তিবোরে পরাণ দিবার্ খেমতায়ো তারে দিয়্যে অলঅ, যেনে সেই মূত্তিবো কধা কোই পারে আর যিগুনে সেই মূত্তিবোরে গোজেনর্ সর্মান দিইনে সালাম ন-গুরিবাক্ তারারে মারে ফেলেই পারে।

ফগদাং পেইয়্যে 13:17

সেনত্যে সেই চিহ্নোগান বাদে কেঅ কিচ্চু কিনি বা বেজি ন-পারিলাক্। সেই চিহ্নোগান অলঅ সেই য়েমান্নোর্ নাঙান্ বা তা নাঙানর্ লম্বর্‌বো।

ফগদাং পেইয়্যে 14:9

ইয়েনর্ পরেদি তিন-লম্বর আর এক্কো স্বর্গদূত তারার্ পিজে পিজে এইনে দাঙর্ গুরিনে কলঅ, “যুনি কেঅ সেই য়েমান্নো আর তা মূত্তিবোরে পূজো গরে আর সিবের্ চিহ্নোগান্ কবালত্ বা আঢত্ লয়,

ফগদাং পেইয়্যে 18:18

তারে পুড়িবার সময়োত্ ধূমো দেগিনে তারা রঅ ছাড়িনে কলাক্, “আর কন্ শঅরান এই নাঙ্-গোজ্জ্যে শঅরান ধোক্ক্যেন?”

ফগদাং পেইয়্যে 18:9

পিত্‌থিমীর্ যিদুক্কুন্ রাজা তা সমারে বেভিচের্ গোজ্জ্যন আর উবোল্‌পাল্ গুরি তা সমারে বজত্তি গোজ্জ্যন তারা তারে পুড়ি ফেলেবার্ সময়োত্ ধূমো দেগিনে কানিবাক্ আর তাত্যে দুঘ্ পেবাক্।

ফগদাং পেইয়্যে 19:3

তারা দ্বিবার্ কলাক্, “হাল্লেলূয়া! তা ভিদিরেত্তুন্ উমর সং ধূমো উদোনাত্ থেবঅ।”

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

ফগদাং পেইয়্যে 7:12

“আমেন। নাঙ্ গিনেনা, বাঈনী গরানা, জ্ঞান, ভালেদি জানানা, সর্মান, খেমতা আর বল্ উমরত্যে আমা গোজেনরই ওক্‌। আমেন।”