ফগদাং পেইয়্যে 14:10 - Chakma Bible

¹⁰ সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 14:10 Iomraidhean Croise

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

ইয়োব 18:15

তা তাম্বুলোত্‌ তার্‌ নিজোর কিচ্ছু ন-থেবঅ; তা থেবার্‌ ঘরান উগুরে জোল্‌জোল্যে গন্ধক ছিদি দিয়্যে অবঅ।

ইয়োব 21:20

তে নিজো চোগেদি নিজোর ভস্ত অনাগান্ দেগোক্‌; তে বেগত্তুন্‌ খেমতাবলা গোজেনর রাগ্‌কান্‌ হেই চোগ্‌।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 52:6

ইয়েনি দেগিনে গোজেন ভক্তগুনোর্ পরাণত্ ভোক্তিবলা দর্ লাগিবো; তারা তরে ঠাট্টা গুরিনে কবাক্,

গীতসংহিতা 60:3

তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 73:10

সেনত্তে গোজেন মানুচ্চুনে বজং পধেন্দি ফিরি যান আর সে কধানি অমকদ ধরন্।

গীতসংহিতা 75:8

লগেপ্রভুর আঢত্ এক্কো গলস আঘে, সিয়েনত্ ফেনা উত্যে মজলা মিজেয়্যে আংগুর-রস আঘে। তে সেই গলস ইত্তুন ঢালি দে; পিত্‌থিমীর বেক পাজি মানুচ্চুনে সিবের্ তলাগান সং হেই পেবাক্।

গীতসংহিতা 91:8

পাজি মানুচ্চুনে কেজান্ পাওনা পান তুই বানা সিয়েন চোগেন্দি দেগিবে।

যিশাইয় 29:9

তুমি আমক্ ওইয়ো; চোগ্ খাদিনে কান্ মান্‌জ্য ধোক্ক্যেন অ; মাত্তল্ অ, মাত্তর্ আংগুর-রস হেইনে নয়; দুলি পড়, মাত্তর্ মদ হেইনে নয়;

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 34:9

ইদোমর্ পানি গঙারুন্ মাত্যে তেল্‌লোই ভুরি যেবঅ, সিয়েনর্ ধূল্যেগানি অবঅ গন্ধক্‌‌‌কোই ভরা, সেনত্তে দেজর্ মাদিগান অবঅ জোল্‌জোল্যে মাত্যেতেল্।‌

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিরমিয় 25:27

সে পরেদি লগেপ্রভু মরে কোইয়্যেদে, তারারে কঅ, ইস্রায়েলর্ গোজেন বেগত্তুন খেমতাবলা লগেপ্রভু কোইয়্যেদে, মুই তমা ভিদিরে যুদ্ধো পাদাঙর্; তুমি মর্ রাগর গলস্‌চত্তুন হঅ, মাত্তল্ অ, অগল, গোজ্যে পড় আর ন-উঠ্য‌‌।

যিরমিয় 49:12

লগেপ্রভু কোইয়্যেদে, “যিগুনে সাজা পেবার যগাজ্যে নয়, তারার যুনি সাজাগান্ ওইনে গলজত্ হা পড়ে সালে তুই কিত্তে সাজা ন-পেইনে থেবে? তত্তুন্ সেই গলজ্‌‌‌‌‌সোত্ হেইনে সাজা পাহ্ পুরিবো।

যিরমিয় 51:57

যিবের্ নাঙান বেগত্তুন্ খেমতাবলা লগেপ্রভু সেই রাজাবো কোইয়্যেদে, “মুই তার রাজার চাগরুনোরে, জ্ঞানী মানুচ্, শাজন্‌গুরিয়্যে, দাঙর্ পোজিশনর কামগুরিয়্যেগুন আর যোদ্ধাগুনোরে মাত্তল্ গুরিম। তারা উমরত্যে ঘুম যেবাক্; তারা আর ন-জাগিবাক্।

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

যিহিষ্কেল 20:48

পত্তিজনে দেগিবাক্, মুই লগেপ্রভু সিয়েন জ্বালেয়োং; সিয়েন ন-মুরিবো।’”

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

মথি লেখ্যে গম্ হবর্ 20:22

জোবত্ যীশু পুয়োগুনোরে কলঅ, “তুমি কি পুযোর্ গরর্ সিয়েন্ ন-জান। যে দুঘোর্ গলজত্ মুই হেবাত্তে যাঙর্ সিবেত্ কি তুমি হেই পারিবা?” তারা জোবত্ কলাক্, “পারিবোং।”

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 26:39

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

মার্ক 8:38

এই কালর্ অবিশ্বেজি আর পাপী মানুচ্চুনো ভিদিরে যুনি কেঅ মরে নিইনে আর মঅ কধানিলোই লাজান্, সালে মান্‌‌জ্য পুয়োবো যেক্কে পবিত্র দূত্‌‌তুনো সমারে গুরি তা বাব মহিমালোই এবঅ, সেক্কে তেয়ো সেই মানুচ্চুনো পৌইদ্যেনে লাজেব।”

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

ফগদাং পেইয়্যে 15:7

সেই চের্‌জন জেদা পরাণবলাগুনোর্ একজন সেই সাতজন স্বর্গদূতোরে সাত্‌টো সনার কদরা দিলো। গোজেন, যিবে যুগ যুগ ধুরিনে উমর্ সং জেদা আঘে, সেই কদরাগুন তার রাগে ভরা এলঅ।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”

ফগদাং পেইয়্যে 18:6

তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 20:14

যেরেদি মরণ আর চিদাখলাগানরে আগুনো পুয়োরত্ ফেলেই দিয়্যে অলঅ। এই আগুনো পুয়োরত্ পড়ানা অলঅ দ্বি পল্লা মরানা। যিগুনোর নাঙান্ সেই জিংকানি-বোইবোত্ পাহ্ ন-গেলঅ, তারারেয়ো আগুনো পুয়োরত্ ফেলেই দিয়্যে অলঅ।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”