ফগদাং পেইয়্যে 14:1 - Chakma Bible

¹ সে পরেদি মুই রিনি চেলুং, সেই ভেড়া-ছবো সিয়োন মূড়োবো উগুরে থিয়্যেই আঘে। তা সমারে আঘন্ একশ চৌচল্লিচ আজার মানুচ্‌। তারার্ কবালত্ ভেড়া-ছবো আর তা বাব নাঙান্ লেগা আঘে।

ফগদাং পেইয়্যে 14:1 Iomraidhean Croise

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

যিশাইয় 49:14

মাত্তর্ সিয়োনে কলঅ, “লগেপ্রভু মরে ছাড়ি যেইয়্যে, তে মরে ভুলি যেইয়্যে।”

যিরমিয় 1:11

সে পরেদি লগেপ্রভু মরে কলদে, “যিরমিয়, তুই কি দেগর্?” জোবত্ মুই কলুং, “মুই বাদাম গাজর্ এক্কো ডেলা দেগঙর্।”

যিহিষ্কেল 1:4

মুই রিনি চেইনে দেগিলুং উত্তোরেত্তুন্ এক্কান তুট্যে বোইয়্যের্ এজের্, এক্কান দাঙর্ মেঘ ভিদিরে ঝিমিলের্ আর চেরোকিত্তেদি পোত্‌‌‌পোত্যে পহ্‌‌‌রে ঘিজ্যে। সে ঝিমিলেনিগান সংমোধ্যে দোগ্‌দোক্যে ধাতু ধোক্ক্যেন কিজু ঝিমিত্ ঝিমিত্ গরের্।

যিহিষ্কেল 10:1

সে পরেদি মুই রিনি চেলুং, আর করূব্‌‌‌‌‌‌‌‌পুনোরে মাঢা উগুরেদি যিয়েনি বিজেয়্যে এলঅ সিয়েন উগুরে নীলকান্তমণির সিংহাসন ধোক্ক্যেন কিজু এক্কান দেগিলুং।

যিহিষ্কেল 10:9

পরেদি মুই রিনি চেইনে করূব্‌‌পুনোরে পত্তিজনর কায়-কুরে এক্কো গুরি বেক্কুনে চের্‌‌বো চাক্কা দেগিলুং; চাক্কাগুন বৈদুর্যমণি ধোক্ক্যেন ঝোক্‌‌ঝোক্যে গরের্।

যিহিষ্কেল 2:9

সেক্কে মুই রিনি চেইনে দেগিলুং মঅ ইন্দি এক্কান আঢ্ বাবেইয়্যে আঘে। সিয়েনত্ আগেদে এক্কো গুজেই থোইয়্যে বোই।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

যিহিষ্কেল 8:7

সে পরেদি তে মরে উদোনত্ সোমেবার পধেদি নেযেল। মুই রিনি চেইনে দেবালত্ এক্কো গাদ্ দেগিলুং।

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

দানিয়েল 12:5

সেক্কে মুই দানিয়েল রিনি চেইনে অন্য দ্বিজনরে মঅ মুজুঙোত্ থিয়্যেই থাগদে দেগিলুং। তারাত্তুন্ একজন গাঙ্ এপারত্ আর অন্যজন গাঙ্ উইপারত্ এলঅ।

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।

আমোষ 8:2

তে পুযোর্ গুরিলো, “আমোষ, তুই কি দেগর্?” জোবত্ মুই কলুং, “এক কাল্লোং পাগানা ফল।” সেক্কে লগেপ্রভু মরে কলঅ, “মঅ মানুচ্ ইস্রায়েলর সময় শেষ ওই যেইয়্যে; মুই আর তারারে রেহাই ন-দিম।

মীখা 4:7

মুই আঢুড়ুনোরে বাজেই রাগেম আর ধাবেই দিয়্যে মানুচ্চুনোরে গুরিম এক্কো দরমর জাদ্। মুই লগেপ্রভু সেদিন্যেত্তুন্ ধুরি উমরত্যে সিয়োন মুড়োবোত্ তারা উগুরে রাজাগিরি গুরিম।

সখরিয় 4:2

তে মরে কলঅ, “তুই কি দেগর্?” জোবত্ মুই কলুং, “মুই এক্কো সনার্ চেরাগ টগ্ দেগঙর্ যিবের্ মাঢাবোত্ রোইয়্যেদে এক্কো তেলর্ পিলে। সেই চেরাগ টগ উগুরে সাত্‌‌তো চেরাগ্ আর পত্তি চেরাগত্ সাত্‌‌‌তো চেরাগ বুদ্ধি রাগেবার জাগা আঘে।‌

লূকে লেখ্যে গম্ হবর্ 12:8

“মুই তমারে ঘেচ্চ্যেকগুরি কঙর্, যে কেঅ মান্‌জ্য মুজুঙোত্ মরে স্বীগের্ গরে মান্‌জ্য পুয়োবোয়ো তারে গোজেন দুত্তুনো মুজুঙোত্ স্বীগের্ গুরিবো।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 15:5

ইয়েন পরেদি মুই দেগিলুং, স্বর্গত্ সেই উবোসনা-ঘরান, অত্তাৎ সাক্ষ্য তাম্বুলান খুলো অলঅ।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”

ফগদাং পেইয়্যে 6:8

সেক্কে মুই এক্কো য়্যেল্ রঙর্ ঘোড়া দেগিলুং। যিবে সেই ঘোড়াবো উগুরে বৈ এলঅ তা নাঙান্ মরণ; আর মরণর্ জাগায়ান ঠিগ্ তা পিজে পিজে আদের্। পিত্‌থিমীর চের্ ভাগর এক ভাগ উগুরে তারারে খেমতা দিয়্যে অলঅ, যেন তারা ছুরি, ভাদরাদ্, মরণ আর পিত্‌থিমীর ঝার্‌বো য়েমান্দোই মানুচ্চুনোরে মারে ফেলান।