ফগদাং পেইয়্যে 13:6 - Chakma Bible

⁶ সেক্কে সেই য়েমান্নো গোজেনর্ বিরুদ্ধে, তা নাঙানর্ আর তা থেবার জাগানর্ বিরুদ্ধে আর স্বর্গত্ যিগুনে থান্ তারার্ বিরুদ্ধে ভারী অগমানর্ কধা কুয়ো ধুরিলো।

ফগদাং পেইয়্যে 13:6 Iomraidhean Croise

ইয়োব 3:1

সে পরেদি ইয়োবে কধা কনা আরাম্ভ গুরিনে তা জর্মর দিন্নোরে অভিশাব দিইনে কলঅ,

গীতসংহিতা 73:9

তারা স্বর্গর বিরুদ্ধে কধা কন আর গদা দুনিয়্যেগান তারার দাঙর্ দাঙর্ কধানি ছিদি পড়ে।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

রোমীয় 3:13

তারার্ মুয়োনি যেন খুলো কবর ধোক্ক্যেন, জিলান্দোই তারা ছলনার্ কধা কন্। তারার্ ঠুদ্‌‌তুনো তলে যেন সাপর্ বিষ আঘে।

কলসীয় 1:19

গোজেনে চেইয়্যেদে যেন তার্ বেক্‌ ভর্‍‌‌‌‍‌‍পুনোঙান্ খ্রীষ্ট ভিদিরে থায়।

কলসীয় 2:9

গোজেনর্ বেক্‌ পরিপূরোনান্ খ্রীষ্ট ভিদিরে কিয়্যেলোই বজত্তি গরের্, আর খ্রীষ্ট লগে মিজেইনে তুমিয়ো সেই পরিপূরোণান্ পেইয়ো।

ইব্রীয় 9:2

আর সেই মজিম এক্কান তাম্বুল্ বানা ওইয়্যে। সেই তাম্বুলানর্ পত্তম ভাগত্ থেদঅ চেরাগ টগ্, টেবিল আর মুজুঙো-রুটি। এই পত্তম ভাক্কানর্ নাঙান্ এলঅ পবিত্র জাগা।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

ফগদাং পেইয়্যে 11:12

যেরেদি সেই দ্বিজন সাক্ষী স্বর্গত্তুন্ দাঙর্ গুরি কোইয়্যে এ কধাগান শুনিলাক্, “ইধু উদি এজঅ।” সেক্কে তারা তারার্ শত্রুগুনোর চোগো মুজুঙোত্ এক্কান মেঘত্ গুরিনে স্বর্গত্ উদি গেলাক্।

ফগদাং পেইয়্যে 12:12

“সেনত্যে ও স্বর্গগান, হুজী অ; তুমি যিগুনে সিধু বজত্তি গরঅ, হুজী অ। মাত্তর্ পিত্‌থিমী আর দোজ্জ্যে সাগরান, অভিশাব্ দুয়োং তমারে! কিয়া শদানে তমা উগুরে লামি এচ্চ্যে। শদানে রাগে ফুলি উত্ত্যে, কিয়া তে কোই পারে তা সময়ান আর্ বেশ্ নেই।”

ফগদাং পেইয়্যে 15:5

ইয়েন পরেদি মুই দেগিলুং, স্বর্গত্ সেই উবোসনা-ঘরান, অত্তাৎ সাক্ষ্য তাম্বুলান খুলো অলঅ।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।

ফগদাং পেইয়্যে 5:13

সে পরেদি স্বর্গত্, পিত্‌থিমীত্, পিত্‌থিমীর মূঢ়োত্ আর সাগরত্ যিদুক্কুন পরাণবলা আঘন, এন্‌ কি, সিগুনো ভিদিরে আর যিগুনে আঘন বেক্কুনোরে মুই এ কধাগান কধে শুনিলুং: “সিংহাসন উগুরে যিবে বৈ আঘে তার্ আর সেই ভেড়া-ছবোরে নাঙ্ গিনেনা, সর্মান, বাঈনী গরানা আর খেমতা উমরত্যে থোক্।”

ফগদাং পেইয়্যে 7:15

সেনত্যে ইগুনে গোজেনর্ সিংহাসন মুজুঙোত্ আঘন আর স্বর্গর্ উবোসনা-ঘরত্ ইগুনে দিন-রেত্ তারে সেবা গত্তন্। যিবে সিংহাসন উগুরে বুয়োই আঘে তেয়ই ইগুনো উগুরে তা তাম্বুলান খাদেব।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।