ফগদাং পেইয়্যে 13:2 - Chakma Bible2 সেই য়েমান্নো দেগদে হোক্ক্যেবাঘ ধোক্ক্যেন, আর তার্ টেঙানি এলদে ভালুগো টেঙ ধোক্ক্যেন আর মুয়োন এলদে সিংহ মুয়ো ধোক্ক্যেন। সেই দানপ্পো তার বল্, সিংহাসন আর খেমতা সেই য়েমান্নোরে দিলো। Faic an caibideil |
ফগদাং পেইয়্যে 13:2
27 Iomraidhean Croise
সেনত্তে ঝারত্তুন্ এক্কো সিংহ এইনে তারারে মারে ফেলেব। ধূল্যেচর-চাগালার এক্কো হোক্ক্যে বাঘে তারারে ভস্ত গুরিবো আর তারার্ শঅরানি ইধু এক্কো হোক্ক্যে বাঘে উঠ্ পাদি থেবঅ। যুনি কনজনে সিয়োনত্তুন নিগিলি এজন্ সালে তে কট্টা কট্টা ওই যেবঅ, কিত্তে তারার পাপ্ অমকদ বেশ্ আর তারার ভান্ন্যেই পধেদি যেবার ঘটনাগান বেশ্।
যেরেদি পাচ-লম্বর স্বর্গদূত্তো সেই য়েমান্নোর্ সিংহাসনান উগুরে তা কদরাবো উবোত্ গুরিলো; সেক্কে সেই য়েমান্নোর্ রেজ্যগান আন্ধার্ ওই গেলঅ। যন্ত্রণায় মান্জ্যে তারার জিলানি কামারা ধুরিলাক্ আর তারার এ যন্ত্রণা আর ঘা গানিত্যে তারা স্বর্গর গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।
তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্চানরে অস্বীগের্ ন-গরচ্। এন্ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্চানরে অস্বিগের্ ন-গরচ্।
তে সেই দানপ্পোরে, অত্তাৎ সেই পুরোণি সাপ্পোরে যিবেরে দিয়াবল আর শদান্ কুয়ো অয় তারে ধুরিনে এক আজার বজরত্যে বানিলো আর সেই সুরুঙো গাঢ্তোদ্ ফেলেই দিলো। পরেদি তে সিয়েনত্ তালা দিইনে তা উগুরে সীলমহ্র্ গুরিলো, যেনে এই এক আজার বজর্ থুম ন-অনা সং পিত্থিমীর জাদ্তুনোরে আর সেই ভুল পধেদি নেযেই ন-পারে; সে পরেদি কিজু দিনোত্যে তারে অবুচ্চ্যই ইরি দিয়্যে অবঅ।
Sanasan