ফগদাং পেইয়্যে 13:17 - Chakma Bible

¹⁷ সেনত্যে সেই চিহ্নোগান বাদে কেঅ কিচ্চু কিনি বা বেজি ন-পারিলাক্। সেই চিহ্নোগান অলঅ সেই য়েমান্নোর্ নাঙান্ বা তা নাঙানর্ লম্বর্‌বো।

ফগদাং পেইয়্যে 13:17 Iomraidhean Croise

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

ফগদাং পেইয়্যে 13:16

তে চিগোন-দাঙর্, থাগোইয়্যে-নাঢা, গিরোজ্ আর চাগর্, বেক্কুনোরে ডেন্ আঢত্ বা কবাল উগুরে এক্কান চিহ্নো মানি লবাত্যে বাধ্য গুরিলো।

ফগদাং পেইয়্যে 13:18

ইয়েনি বুঝোদে বুদ্ধির্ দরকার। যিবের্ বুদ্ধি আঘে তে সেই য়েমান্নোর্ লম্বর্‌বো গুণি চোক্, কিয়া সিবে এক্কো মান্‌জ্যর নাঙর্ লম্বর্। আর সেই লম্বর্‌বো অলঅ ছয়শ ছয়ষট্টি।

ফগদাং পেইয়্যে 14:11

যে আগুনানে এ মানুচ্চুনোরে যন্ত্রণা দিবো সেই আগুনানর্ ধূমোগান উমরত্যে উদোনাত্ থেবঅ। যে মানুচ্চো সেই য়েমান্নো আর তা মূত্তিবোরে পূজো গুরিবো আর তা নাঙানর্ চিহ্নোগানরে লবঅ তে দিনোত্ বা রেদোত্ কনদিনঅ জিরেন্ ন-পেবঅ।”

ফগদাং পেইয়্যে 14:9

ইয়েনর্ পরেদি তিন-লম্বর আর এক্কো স্বর্গদূত তারার্ পিজে পিজে এইনে দাঙর্ গুরিনে কলঅ, “যুনি কেঅ সেই য়েমান্নো আর তা মূত্তিবোরে পূজো গরে আর সিবের্ চিহ্নোগান্ কবালত্ বা আঢত্ লয়,

ফগদাং পেইয়্যে 15:2

সে পরেদি মুই আগুন মিজেয়্যে ফুদিগোর্ এক্কান সাগর ধোক্ক্যেন দেগিলুং, আর যিগুনে সেই য়েমান্নো আর তা মূত্তিবো আর তা নাঙানর্ লম্বর্‌‌বো উগুরে জিত্যন্ তারারেয়ো দেগিলুং। গোজেনর্ দিয়্যে বীণা আঢত্ গুরিনে তারা সেই ফুদিগোর্ সাগর পারত্ থিয়্যেই এলাক্।

ফগদাং পেইয়্যে 17:5

তা কবালত্ এমন্‌ নাঙ্ লেগা এলঅ যিবে পৌইদ্যেনে এক্কান গুমুরো সত্য আঘে। সেই নাঙান্ অলঅ, “নাঙ্ গোজ্জ্যে বাবিল, বেশ্যেগুনোর আর পিত্‌থিমীর বেক্‌ জঘন্য জিনিজোর্ মা।”

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

ফগদাং পেইয়্যে 7:3

“আমা গোজেন চাগরুনোর্ কবালত্ সীলমহ্‌র ন-দেনা সং পিত্‌থিমী, সাগর বা গাজ্-পালার ক্ষোতি ন-গোজ্জ্য।”