ফগদাং পেইয়্যে 12:6 - Chakma Bible

⁶ আর সেই মিলেবো ধূল্যেচরত্ ধেই গেলঅ। গোজেনে সেই ধূল্যেচরত্ তাত্যে এক্কান জাগা থিক্ গুরি থোইয়্যে যেন এক আজার দ্বিশঅ ষায়েত দিন তে সিধু যত্তন্ পায়।

ফগদাং পেইয়্যে 12:6 Iomraidhean Croise

দানিয়েল 12:12

সেই মানুচ্চো বর্ পেইয়্যে যে বাজ্জ্যেই থায় আর এক আজার্ তিনশঅ পাত্রিশ দিনোর্ থুম্ সং থির্ থায়।

মথি লেখ্যে গম্ হবর্ 4:11

সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।

ফগদাং পেইয়্যে 12:14

সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 13:5

বাড়্‌বো গুরিবাত্যে আর গোজেনরে অগমান গুরিবাত্যে সেই য়েমান্নোরে কধা কবার্ খেমতা দিয়্যে অলঅ। সেই য়েমান্নো যেন বিয়াল্লিশ মাস ধুরিনে তা অধিকারান্ খাদেই পারে সেনত্যে তারে অনুমতি দিয়্যে অলঅ।

ফগদাং পেইয়্যে 17:3

সে পরেদি সেই স্বর্গদূত্‌তো মরে ধূল্যেচর চাগালাত্ নেযেল। সেক্কে মুই পবিত্র আত্মার্ অধিনোত্ এলুং। সিয়েনত্ মুই এক্কো মিলেরে এক্কো রাঙা রংয়র্ য়েমান উগুরে বৈ থাদে দেগিলুং। গোজেনরে অগমান গুরিবাত্যে ভালক্কানি নাঙ্ সেই য়েমান্নো উগুরে লেগা এলঅ। তার্ সাত্‌টো মাঢা আর দোচ্‌শো শিং।