ফগদাং পেইয়্যে 12:5 - Chakma Bible

⁵ মিলেবোর এক্কো পুয়ো অলঅ। সেই পুয়োবো লুয়ো লুদিক্কোই বেক্ জাদ্‌তুনোরে শাসন গুরিবো। সেই পুয়োবোরে গোজেনে আর তা সিংহাসন ইধু তুলি নেযা অলঅ,

ফগদাং পেইয়্যে 12:5 Iomraidhean Croise

যিশাইয় 66:7

“পুয়ো ফুদোনা-পিড়েগান্ উদিবার আগেদি সিয়োনে পুয়োবোর জর্ম দিয়্যে; তার পিড়ে উদিবার আগেদি তে এক্কো পুয়োর জর্ম দিয়্যে।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

মীখা 5:3

সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

মথি লেখ্যে গম্ হবর্ 1:25

তে মরিয়মরে মোগ্ ইজেবে ললঅ, মাত্তর্ পুয়োবোর্ জর্ম ন-অনা সং তা সমারে ন-থেলঅ। পরেদি যোষেফে পুয়োবোর্ নাঙান্ যীশু রাগেল।

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

২ করিন্হীয় 12:2

খ্রীষ্ট বিশ্বেজি এক্কো মান্‌জ্যরে মুই চিনোং। চৌদ্দ বজর্ আগে স্বর্গ সং তারে তুলি নেযা ওইয়্যে। সেক্কে তে তার্ কিয়্যেদি এলঅ কি ন-এলঅ সিয়েন মুই কোই ন-পারং, গোজেনে কোই পারে।

ফগদাং পেইয়্যে 11:12

যেরেদি সেই দ্বিজন সাক্ষী স্বর্গত্তুন্ দাঙর্ গুরি কোইয়্যে এ কধাগান শুনিলাক্, “ইধু উদি এজঅ।” সেক্কে তারা তারার্ শত্রুগুনোর চোগো মুজুঙোত্ এক্কান মেঘত্ গুরিনে স্বর্গত্ উদি গেলাক্।

ফগদাং পেইয়্যে 12:13

সেই দানপ্পো যেক্কে দেগিলো, তারে পিত্‌থিমীত ফেলেই দিয়্যে ওইয়্যে সেক্কে যে মিলেবোর পুয়ো ওইয়্যে দানপ্পো তা পিজেদি লাগিলো।

ফগদাং পেইয়্যে 12:2

তে পিদিলি এলঅ আর পুয়ো ফুদোদে রঅ ছাড়ের্।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।