ফগদাং পেইয়্যে 12:17 - Chakma Bible

^17-18 সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 12:17 Iomraidhean Croise

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

১ করিন্হীয় 2:1

ভেইলগ্, তমা ইধু যেইনে গোজেনর্ দিয়্যে গম্ হবর্ প্রচার গুরিবার অক্তত্ মুই দোল্ ভাষা বেবহার ন-গরং বা ভারী জ্ঞানী মান্‌জ্য ধোক্ক্যেন্ কধা ন-কং।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

১ যোহন 2:3

আমি যুনি তার বেক্‌ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।

১ যোহন 5:10

গোজেন পুয়োবো উগুরে যে বিশ্বেজ্ গরে তা মনভিদিরে সেই সাক্ষিগান আঘে। যিগুনে গোজেনরে বিশ্বেজ্ ন-গরন তারা তারে মিজেমাদিয়্যে বানেয়োন, কিয়া গোজেনে তা পুয়োবো পৌইদ্যেনে যে সাক্ষিগান দের্ সিয়েন তারা বিশ্বেজ্ ন-গরন।

১ যোহন 5:2

যেক্কে আমি গোজেনরে কোচ্‌পেই আর তা উগুমানি পালেই সেক্কে কোই পারিই যে, গোজেনর্ পুয়ো-ছাগুনোরেয়ো আমি কোচ্‌পেই।

ফগদাং পেইয়্যে 1:2

গোজেনর্ কধানি আর যীশু খ্রীষ্টর সাক্ষ্যগানি পৌইদ্যেনে যোহনে যিয়েনি দেক্ক্যে, সিয়েনি বেক্কানি পৌইদ্যেনে তে ইয়েনত্ সাক্ষ্য দিয়্যে।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 11:7

তারার্ সাক্ষ্য দেনা থুম্ অলে পরেদি সেই গভিন্ গাঢ্‌তোত্তুন্ এক্কো য়েমান উদি এইনে তারা লগে যুদ্ধো গুরিবো আর তারারে অদেই দিইনে মারে ফেলেব।

ফগদাং পেইয়্যে 12:16

মাত্তর্ পিত্‌থিমীগানে সেই মিলেবোরে সাহায্য গুরিলো। সেই দানপ্পো তা মুয়োত্তুন্ যে পানিগান নিগিলেল পিত্‌থিমীগানে তা মুয়োন্ খুলিনে সিয়েন হেই ফেলেল।

ফগদাং পেইয়্যে 13:7

গোজেন মানুচ্চুনোর বিরুদ্ধে যুদ্ধো গুরিনে তারারে জিদিবার খেমতা তারে দিয়্যে অলঅ আর পত্তি বংশ, দেশ, ভাযা আর জাদ মানুচ্চুনো উগুরে তারে অধিকার দিয়্যে অলঅ।

ফগদাং পেইয়্যে 14:12

যিগুনে গোজেনর্ উগুম পালান্ আর যীশু উগুরে বিশ্বেজি থান্ গোজেনর্ সেই মানুচ্চুনোর এই অবস্থাত্ ধৈজ্জ্যর্ দরকার।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 19:19

সে পরেদি মুই দেগিলুং, যিবে সেই ঘোড়াবো উগুরে বৈ এলঅ তার আর তা সৈন্যগুনোর বিরুদ্ধে যুদ্ধো গুরিবাত্যে সেই য়েমান্নো আর পিত্‌থিমীর রাজাগুনে তারার্ সৈন্যগুন লোইনে এক সমারে থুবেইয়োন।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।

ফগদাং পেইয়্যে 6:9

যেক্কে তে পাঁচ-লম্বর সীলমহ্‌রবো ভাঙিলো সেক্কে মুই এক্কো ডালিপূজো তলে এমন্‌ বেক্‌ মানুচ্চুনোর আত্মাগানি দেগিলুং যিগুনোরে গোজেনর্ কধানিত্যে আর সাক্ষ্য দিবাত্যে মারে ফেলা ওইয়্যে।