ফগদাং পেইয়্যে 12:12 - Chakma Bible

¹² “সেনত্যে ও স্বর্গগান, হুজী অ; তুমি যিগুনে সিধু বজত্তি গরঅ, হুজী অ। মাত্তর্ পিত্‌থিমী আর দোজ্জ্যে সাগরান, অভিশাব্ দুয়োং তমারে! কিয়া শদানে তমা উগুরে লামি এচ্চ্যে। শদানে রাগে ফুলি উত্ত্যে, কিয়া তে কোই পারে তা সময়ান আর্ বেশ্ নেই।”

ফগদাং পেইয়্যে 12:12 Iomraidhean Croise

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

ইব্রীয় 10:37

কিয়া গোজেনর্ কধা মজিম, “যিবে এবার্ কধা আঘে তে খুব কয়েক দিনো ভিদিরে এবঅ, দেরি ন-গুরিবো।

২ পিতর 3:8

মাত্তর্ ভেইলগ্, এই কধাগান ভুলি ন-যেইয়ো, প্রভু ইধু এক দিন সমান এক আজার্ বজর আর এক আজার্ বজর্ এক দিনোর্ সমান।

ফগদাং পেইয়্যে 10:6

যিবে উমর সং জেদা আঘে আর আগাজ্, পিত্‌থিমী, দোজ্জ্যে সাগর আর সিয়েনি ভিদিরে যিয়েনি আঘে সিয়েনি সৃট্টি গোজ্জ্যে, তা নাঙে শমক্ খেইনে সেই স্বর্গদূত্‌তো কলঅ, “আর দেরি ন-অবঅ।

ফগদাং পেইয়্যে 11:10

তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।

ফগদাং পেইয়্যে 11:14

এবাবোত্যেগুরি দ্বি-লম্বর দজাগান থুম্ অলঅ। চাহ্, যাদিমাদি তিন-লম্বর দজাগান এজের্।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:6

সেক্কে সেই য়েমান্নো গোজেনর্ বিরুদ্ধে, তা নাঙানর্ আর তা থেবার জাগানর্ বিরুদ্ধে আর স্বর্গত্ যিগুনে থান্ তারার্ বিরুদ্ধে ভারী অগমানর্ কধা কুয়ো ধুরিলো।

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”

ফগদাং পেইয়্যে 9:12

পত্তম দজাগান থুম্ অলঅ। চাহ্, ইয়েনর পরেদি আরঅ দ্বিয়েন দজা এজের্।