ফগদাং পেইয়্যে 11:9 - Chakma Bible

⁹ সেক্কে বেক্‌ দেশ্‌চানি, বংশ, ভাযা আর জাদ ভিদিরেত্তুন্ মানুচ্চুনে সাড়ে তিন দিন ধুরিনে সেই মরা-কিয়্যেগানি দেগিবাক্।

ফগদাং পেইয়্যে 11:9 Iomraidhean Croise

১ রাজাবলী 13:22

যে জাগানত্‌ তে তরে হানা-দানা গুরিবাত্তে মানা গোজ্যে তুই সিয়েনত্‌ ফিরি যেইনে হানা আর পানি হেইয়োচ্‌। সেনত্তে তর্‌ পূরোণি মানুচ্চুনোর্‌ গোরুনোত্‌ তঅ কিয়্যেগান রাগা ন-অবঅ।”

উপদেশক 6:3

কনঅ মান্‌জ্যর্ একশ জন ঝি-পুয়ো থেই পারন্ আর তে ভালোক্ দিন বাঁজি থেই পারে, মাত্তর্ তে যুনি জিংকানিত্ সুগ্ ন-পায় আর গমেডালে গোর্ ন-পায় সালে যেদক্ বজর সং তে বাঁজি থেদঅ সাৎ মুই কোম্বে তাত্তুন্ বরং মরা-পুয়ো পুদোনা বোউত্ গম্ এলঅ।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিরমিয় 7:33

সে পরেদি এ মানুচ্চুনোর মরা কিয়্যেনি আগাজর পেক্কুনে আর পিত্‌থিমীর য়েমানুনোর হানা অবঅ আর সিগুনোরে ধাবেই দিবাত্তে কনজন ন-থেবাক্।‌‌‌

মথি লেখ্যে গম্ হবর্ 7:2

কিয়া যেবাবোত্যেগুরি তুমি অন্যগুনোর দুষ্ ধরঅ সেবাবোত্যেগুরি তমারেয়ো দুষ্ ধরা অবঅ, আর যেবাবোত্যেগুরি তুমি মাবি দুয়ো সেবাবোত্যেগুরি তমাত্তেয়ো মাবা অবঅ।

ফগদাং পেইয়্যে 10:11

সে পরেদি মরে এ কধাগান কুয়ো অলঅ, “তরে আরঅ ভালোক্কানি দেশ্, জাত্, ভাযা আর রাজা পৌইদ্যেনে ভবিচ্চদর্ কধা কুয়ো অবঅ।”

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।

ফগদাং পেইয়্যে 13:7

গোজেন মানুচ্চুনোর বিরুদ্ধে যুদ্ধো গুরিনে তারারে জিদিবার খেমতা তারে দিয়্যে অলঅ আর পত্তি বংশ, দেশ, ভাযা আর জাদ মানুচ্চুনো উগুরে তারে অধিকার দিয়্যে অলঅ।

ফগদাং পেইয়্যে 17:15

সে পরেদি সেই স্বর্গদূত্‌তো মরে কলঅ, “তুই যে পানিগান দেখ্যচ্, যিবে উগুরে সেই বেশ্যেবো বৈ আঘে, সিয়েনি অলঅ ভালোক্কানি দেশ্, ভালোক্কুন মানুচ্‌, ভালোক্কুন জাত্ আর ভালোক্কানি ভাষা।

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।