ফগদাং পেইয়্যে 11:2 - Chakma Bible

² মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।

ফগদাং পেইয়্যে 11:2 Iomraidhean Croise

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিশাইয় 5:5

মঅ আংগুর খেদ্‌‌তান উগুরে যিয়েনি গুরিম সিয়েন ইক্কিনে মুই তমারে কোম্: মুই সিয়েনর্ বেড়াগান্ তুলি ফেলেম্ আর সেক্কে ভূইয়ান শেজ্ ওই যেবঅ; মুই সিয়েনর্ দেবালান্ ভাঙি ফেলেম্ আর সেক্কে সিয়েন টেঙোই মাড়া অবঅ।

যিশাইয় 52:1

ও সিয়োনান্, উঠ্, উঠ্, তঅ খেমতাগান ফগদাং গর্। ও সুদ্ধো-সাংগ শঅর্ যিরূশালেম, তর্ জোগ্‌জোগ্যে কাবড়ানি উর্। সুন্নত ন-গোজ্যে আর অসিজি মান্‌জ্যে তঅ ভিদিরে আর্ সোমেই ন-পারিবাক্।‍‍

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

যিহিষ্কেল 4:6

ইয়েন থুম্ অনার্ পরেদি তুই আরঅ ঘুমেবে; এবেরা ডেনেদি মোক্ক্যে ফিরিনে ঘুমেবে আর যিহূদার পাপর সাজা ভুগিবে। ঘুমেই থেবাত্তে মুই তরে চোল্লিশ দিন দিলুং, এক এক বজরত্তে এক এক দিন।

যিহিষ্কেল 42:20

সুদ্ধো-সাংগ জাগানত্তুন্ সাধারণ মানুচ্চুনোর জাগায়ানি যুদো গুরিবাত্তে চেরোকিত্তে এক এক্কান পাচশঅ মাবেদে কাদিলোই লাম্বা এক্কান দেবাল এলঅ।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 7:19

সেক্কে মুই সেই চের্ লম্বর্ য়েমান্নোর ভেদ্‌তান্ জানিবাত্তে চেলুং। ইবে সেই য়েমান যিবে অন্যগুনোত্তুন্ যুদো আর দর্‌‌‌‌‌‌‌‌‌‌গরেপারা এলঅ, যিবের্ লুয়োর্ দাত্ আর পিদোলর্ নখ এলঅ, যে য়েমান্নো তা শিগেরবোরে কট্টা কট্টা গুরি গিলি ফেলেয়্যে আর বাদ বাদবাগিগান টেঙোই উজ্যে।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 8:10

সিবে দাঙর্ অদে অদে স্বর্গর্ তারাগুনো সং যেইনে লুমিলো আর কয়েক্কো তারা মাদিত্ ফেলেইনে সিগুনোরে টেঙোই উরিলো।

দানিয়েল 8:13

সে পরেদি মুই এক্কো পবিত্র স্বর্গদুতোরে কধা কদে শুনিলুং আর এক্কো পবিত্র স্বর্গদূতে তারে পুযোর্ গুরিলো, “এই দর্শনানত্ যিয়েন দেগা অলঅ সিয়েন কয়দিন ধুরি চলিবো? কয়দিন ধুরি পত্তিদিনোর্ উৎসর্বর অনুষ্ঠানর বদলে সর্বনাশ পাপর জিনিস থেবঅ? কয়দিন ধুরি উবোসনা-ঘর আর তারাগুনোরে টেঙোই উরো অবঅ?”

দানিয়েল 8:14

তে কোইয়্যেদে, “দ্বিআজার তিনশঅ সাজোন্যে আর বেন্যেমাদান ধুরি ইয়েনি চলিবো। সে পরেদি উবোসনা-ঘরান আরঅ সিজি গরা অবঅ।”

গণাণা 14:34

দেজ্‌চান চেই এত্তে যে চোল্লিশ দিন সময় লাক্কে তার্‌ পত্তি দিনোত্তে এক বজর্‌ গুরি বেক্কুনে চোল্লিশ বজর্‌ সং তুমি তমার্‌ অন্যেয়ত্তে দুঘ্ পেবা আর বুঝি পারিবাদে, মুই বিরুদ্ধে থেলে অবস্থাগান্‌ কেধোক্ক্যেন অয়।

মথি লেখ্যে গম্ হবর্ 27:53

তারা গোরত্তুন্ নিগিলি এলাক্ আর যীশু মরণত্তুন্ জেদা ওই উদোনার্ পরেদি পবিত্র শঅর ভিদিরে গেলঅ। তারা সিদু ভালোক্ জনরে দেগা দিলাক্।

মথি লেখ্যে গম্ হবর্ 4:5

সেক্কে শদান্নো যীশুরে পবিত্র শঅর্ যিরূশালেমত্ নেযেল আর উবোসনা-ঘর মাঢা উগুরে তারে থিয়্যেই রাগেইনে কলঅ,

মথি লেখ্যে গম্ হবর্ 5:13

তুমি পিত্‌‌থিমীর নুন্, মাত্তর্ যুনি নুনোর্ সুয়োত্তান্ বর্‍‍‍‍‍‍বাদ্ ওই যায় সালে কেধোক্ক্যেন্ গুরিনে সিয়েন আরঅ নুন্‌‌‍যো গরা যেবঅ? সেই নুনান্ আর কনঅ কামত্ ন-লাগে। সিয়েন বানা বারেদি ফেলে দিবার আর মান্‌‌জ্য টেঙোই উড়েদে ধোক্ক্যেন্ যগাজ্যে অয়।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”

ফগদাং পেইয়্যে 12:6

আর সেই মিলেবো ধূল্যেচরত্ ধেই গেলঅ। গোজেনে সেই ধূল্যেচরত্ তাত্যে এক্কান জাগা থিক্ গুরি থোইয়্যে যেন এক আজার দ্বিশঅ ষায়েত দিন তে সিধু যত্তন্ পায়।

ফগদাং পেইয়্যে 21:10

যেরেদি সেই স্বর্গদূত্‌তো মরে এক্কো দাঙর্ আর অজল্ মূড়োত্ নেযেল। সেক্কে মুই পবিত্র আত্মায় পরিচালিত এলুং। গোজেনর্ মহিমালোই জ্বোল্‌জোল্ল্যে যে পবিত্র শঅরান যিরূশালেম স্বর্গর্ ভিদিরেত্তুন্ আর গোজেনত্তুন্ লামি এজের্ তে মরে সিয়েন দেগেল।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 22:19

আর এ বোইবোর্ বেক কধানি, অত্তাৎ গোজেনর্ কধাত্তুন্ যুনি কেঅ কিজু বাদ্ দে সালে গোজেনেয়ো এ বোইবোত্ লেখ্যে জিংকানি-গাজ্ আর পবিত্র শঅরর্ অধিকার তা জিংকানিত্তুন্ বাদ্ দিবো।