ফগদাং পেইয়্যে 11:19 - Chakma Bible

¹⁹ সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 11:19 Iomraidhean Croise

গীতসংহিতা 105:32

তে ঝড় ধোক্ক্যেন্ গুরি তারা উগুরে শিল্ ফেলেল, পুরো দেজত্ ঝিমিলেনি গরা ধুরিলো।

গীতসংহিতা 18:12

তা পহ্‌রান মুজুঙোত্ কালা মেঘকান্ সুরি গেলঅ; শিলোঝড় আর আগাজ বাজ্ পড়িলাক্।

যিশাইয় 28:2

চঅ, প্রভুর্ এক্কো খেমতাবলা আর বোলী মানুচ্ আঘে। শিলোঝড় আর ভস্ত গুরিয়্যে এক্কান বোইয়্যের ধোক্ক্যেন্, অমকদ ঝড় পোজ্যে এক্কান বান ঝড় ধোক্ক্যেন্ তে জুড়ে সেই শঅরানরে মাদিত্ মেলা মারি ফেলেই দিবো।

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 32:19

শিলোঝড়ে ঝারর্ গাজ্‌‌চুনোরে মাদিত্ ফেলেই দিবো আর শঅরানি পুরোপুরি মাদি লগে মিজেইনে সং সং ওই যেবঅ।

যিহিষ্কেল 13:11

সেনত্তে যিগুনে এ কামানি গোজ্যন্ তুই তারারে কঅ, সে দেবালান্ ভাঙি পড়িবো। অমকদ ঝড় আর দাঙর্ দাঙর্ শিল্ পড়িবাক্ আর ঝড়ে-বোইয়্যেরে এবঅ।

যিহিষ্কেল 13:13

“‘মর্ রাগে মুই ঝড় বোইয়্যের্ খুলি দিম। মর্ অমকদ বেজারে মুই দাঙর্ দাঙর্ শিল্ আর ন-থামেয়্যে ঝড় দিইনে সিয়েন ভস্ত গুরি দিম।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

গণাণা 10:33

ইঙিরিনে ইস্রায়েলীয়গুনে লগেপ্রভুর মুড়োবো ইত্তুন্‌ আদা মারিনে তিন দিনোর পদথ্‌ উজেই গেলাক্। তারা ঝিরেবাত্তে এক্কান্‌ জাগা তোগেইনে নিগিলেবার্‌ আজাই সেই তিন দিন সং লগেপ্রভুর বেবস্থা-সুন্দুক্কো তারার্‌ আগে আগে যাহ্ ধুরিলো।

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 4:5

তাম্বুল তুলিনে যেবার্‌ সময় অলে হারোণ আর তার্‌ পূঅগুনে থেবার্‌-তাম্বুলো ভিদিরে যেইনে সাক্ষ্য-সুন্দুক্কো নাঢি রাগেবার্‌ পর্দাগান লামেইনে সিয়েন্দোই সুন্দুক্কো নাঢি দিবাক।

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 12:1

পরেদি স্বর্গত্ এক্কান দাঙর্ চিহ্নো দেগা গেলঅ-এক্কো মিলে, যে পজাগ্‌কান এলঅ বেলান আর টেঙত্ তলে এলঅ চানান্। বারঅবো তারালোই গাধেয়্যে এক্কো মুকুট্ তা মাঢাবোত্ এলঅ।

ফগদাং পেইয়্যে 16:1

যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”

ফগদাং পেইয়্যে 16:18

সেক্কে দেবা ঝিমিলেনি উয়ো ধুরিলো, দর্‌গরেপারা আবাজ্ অনা আর দেবা পেরাগ পড়া ধুরিলো আর এমন্‌ দর্‌গরেপারা ভূজোল্ বেলঅ যিয়েন পিত্‌থিমীত মানুচ্‌ সৃট্টির পরেত্তুন্ ধুরি আর কনদিন্‌অ দেগা ন-যায়। সেই ভুজোলান্ অমকদ দর্‌গরেপারা এলঅ।

ফগদাং পেইয়্যে 16:21

আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 7:15

সেনত্যে ইগুনে গোজেনর্ সিংহাসন মুজুঙোত্ আঘন আর স্বর্গর্ উবোসনা-ঘরত্ ইগুনে দিন-রেত্ তারে সেবা গত্তন্। যিবে সিংহাসন উগুরে বুয়োই আঘে তেয়ই ইগুনো উগুরে তা তাম্বুলান খাদেব।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।