ফগদাং পেইয়্যে 11:13 - Chakma Bible

¹³ সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 11:13 Iomraidhean Croise

পত্থম 6:4

গোজেন পুয়োগুন লগে এ মিলেগুনোর মিজেনার কারনে যে পুয়োগুনোর্ জর্ম অলঅ তারা এলাক্ পুরোণি দিনোর নাঙ্‌ গিন্যে বোলী মানুচ্‌। সে সময়োত্‌ আর তা পরেদিয়ো পিত্‌থিমীত্‌ নেফিলীয় নাঙে এক জাদর মানুচ্‌ এলাক্।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

যোহন 9:24

যে মানুচ্চো আগেদি কানা এলঅ নেতাগুনে তারে দ্বিবার্ ডাগিনে কলাক্, “তুই সত্য কধা কোইনে গোজেনরে বাঈনী গর্। আমি দঅ কোই পারিই সে মানুচ্চো পাপী।”

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

ফগদাং পেইয়্যে 11:11

মাত্তর্ এই সাড়ে তিন দিন পরে গোজেনর্ দিয়্যে পরাণ-বৈয়্যেরান তারা ভিদিরে সোমেল। সেক্কে তারা টেঙত্ ভর্ দিইনে থিয়েলাক্। সেক্কে যিগুনে তারারে দেগিলাক্ সিগুনে ভারী দোরেলাক্।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 14:7

তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 19:7

এজঅ, আমি মন হুজিয়ে বেশ্ গুরি ফুত্তি গুরিই আর তার্ বাঈনী গুরিই, কিয়া ভেড়া-ছবোর্ মেলা গুরিবার অক্ত ওইয়্যে আর তার্ বৌবো নিজোরে যুক্কোল্ গোজ্জ্যে।

ফগদাং পেইয়্যে 3:4

মাত্তর্ সার্দিত তর্ এন্ কয়েক্কো মানুচ্‌ আঘন যিগুনে তারার্ কাবর-চুগোর্, অত্তাৎ চালচলনান্ কাজর্ ন-গরন্। তারা যগাজ্জ্যে মানুচ্‌ বিলিনে ধুব্ কাবর পিনিনে মঅ সমারে আঢাউদো গুরিবাক্।

ফগদাং পেইয়্যে 6:12

সে পরেদি মুই দেগিলুং, তে যেক্কে ছ'লম্বর সীলমহ্‌রবো ভাঙিলো সেক্কে ভারী ভূজোল্ বেলঅ। বেলান্ এক্কুবারে কালা ওই গেলঅ আর গোদা চানান্ লো ধোক্ক্যেন রাঙা ওই উদিলো।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।