ফগদাং পেইয়্যে 11:10 - Chakma Bible

¹⁰ তারা সিগুনোর্ কিয়্যেগানি গোরত্ দিবাত্যে ন-দিবাক্। তারা মুরি যেয়োন বিলিনে যিগুনে এ পিত্‌থিমীর সিগুনে হুজি অবাক্ আর ফুত্তি গুরিবাক্। মানুচ্চুনে একজন আরেকজনরে বক্‌শিজ্ পাধেবাক্, কারন যিগুনে এ পিত্‌থিমীর তারা এই দ্বিজন ভাববাদীত্যে দুঘ্ পেইয়োন।

ফগদাং পেইয়্যে 11:10 Iomraidhean Croise

১ রাজাবলী 18:17

এলিয়রে দেগিনে আহাবে কলঅ, “ও ইস্রায়েলর কাদা, ইবে কি তুই?”

১ রাজাবলী 21:20

আহাবে সে কধাগান শুনিনে এলিয়রে কলঅ, “ও মর্‌ শত্রু, এবেরা তুই মরে পেইয়োচ্‌।” এলিয় কলঅ, “অয়, পেইয়োং, কিত্তেই লগেপ্রভুর চোগোত্‌ যিয়েনি ভান্ন্যেই সিয়েনি গুরিবাত্তে তুই নিজোরে বিজি দুয়োচ্‌।

১ রাজাবলী 22:18

সেক্কে ইস্রায়েলর রাজা যিহোশাফটরে কলঅ, “মুই কি তরে আগে ন-কঙ্‌, তে মঅ পৌইদ্যেনে অমংগল বাদে ভালেদির কধা ন-কব?”

১ রাজাবলী 22:8

জোবত্‌ ইস্রায়েলর রাজা যিহূদার রাজা যিহোশাফটরে কলঅ, “এজঅ এন্‌ ইক্কো মানুচ্‌ আঘে যিবের্‌ মাধ্যমে আমি লগেপ্রভু ইদু পুযোর্‌ গুরি পারিই, মাত্তর্‌ মুই তারে ঈচ্ গরং, কিত্তেই তে মঅ পৌইদ্যেনে ভালেদির্‌ কধা ন-কয়, অমংগলর্‌ কধা কোইয়্যে। তে অলদে যিম্লের পূঅ মীখায়।”

গীতসংহিতা 13:4

মঅ শত্রুগুনে সেক্কে কবাক্, “মুই তারে ওদেই দুয়োং।” মুই থির্ ন-থেলে মঅ শত্রুগুনে ফুত্তি গুরিবাক্।

গীতসংহিতা 35:19

মিজে মিজে গুরি যিগুনে মর্ শত্রু ওইয়োন তুই মরে তারার্ তামাজা গরেদে ধোক্ক্যেন্ অবাত্তে ন-দিচ্; এনেবাদে যিগুনে মরে ঘিনেন্ মর্ বিরুদ্ধে তারা চোখকুন্ চিবেচিবি গুরিবাত্তে ন-দিচ্।

গীতসংহিতা 89:42

তুই তার বিপক্কগুনোরে বোলী বানেয়োচ্; তার শত্রুগুনোরে হুজি গোজ্যস্।

গম্ উপদেজ্ 24:17

তঅ শত্রুবো পড়ি গেলে রঙ্গফুত্তি ন-গুরিচ্; তে উজোদ্ হেলে তঅ রিবেঙানরে হুজি অবাত্তে ন-দিচ্।

যিরমিয় 38:4

সেক্কে রাজার চাগরুনে রাজারে কলাক্, “এ মানুচ্চোরে মারে ফেলানা উজিত্। যিদুক্কুন সৈন্য আর মানুচ্ এ শঅরত্ আগন্ তে এই কধানি কোইনে তারারে আমক্ গুরি দের্। তে এ মানুচ্চুনোর ভালেদি ন-চেইনে অমংগল চার্।”

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

ওবদিয় 1:12

তঅ ভেইবোর্ দুঘোত্ তুই হুজি ওইয়োচ্, যিহূদা মানুচ্চুনোর্ ভস্তর্ দিনোত্ তারা পৌইদ্যেনে ফুত্তি গোজ্যস্ আর তারার্ দুঘো দিনোত্ বাড়্‌‌বো গোজ্যস্।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

মথি লেখ্যে গম্ হবর্ 10:22

মত্তে বেক্কুনে তমারে ঘিনেবাক্, মাত্তর্ যে থুম্ সং থির্ থেবঅ তে উদ্ধোর্ পেবঅ।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

যোহন 7:7

জগদ মানুচ্চুনে তমারে ঈচ্ গুরি ন-পারন্ মাত্তর্ মরে ঈচ্ গরন্, কিয়া মুই তারা পৌইদেনে এ সাক্ষ্যগান্ দুয়োঙর্, তারার্ বেক্ কামানি ভান্ন্যেই।

প্রেরিত্‌ 5:33

এ কধাগান শুনিনে সেই নেতাগুনে রাগে আগুন ওই উদিলাক্ আর দিপাধেয়্যে প্রচারক্কুনোরে মারে ফেলেবাত্তে চেলাক্,

১ করিন্হীয় 13:6

ভান্ন্যেই কিজুলোই হুজি ন-গরে বরং যিয়েন সত্য সিয়েন্দোই হুজি গরে।

ফগদাং পেইয়্যে 12:13

সেই দানপ্পো যেক্কে দেগিলো, তারে পিত্‌থিমীত ফেলেই দিয়্যে ওইয়্যে সেক্কে যে মিলেবোর পুয়ো ওইয়্যে দানপ্পো তা পিজেদি লাগিলো।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 16:10

যেরেদি পাচ-লম্বর স্বর্গদূত্‌তো সেই য়েমান্নোর্ সিংহাসনান উগুরে তা কদরাবো উবোত্ গুরিলো; সেক্কে সেই য়েমান্নোর্ রেজ্যগান আন্ধার্ ওই গেলঅ। যন্ত্রণায় মান্‌জ্যে তারার জিলানি কামারা ধুরিলাক্ আর তারার এ যন্ত্রণা আর ঘা গানিত্যে তারা স্বর্গর গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।