ফগদাং পেইয়্যে 1:9 - Chakma Bible

⁹ মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 1:9 Iomraidhean Croise

মথি লেখ্যে গম্ হবর্ 20:23

সেক্কে যীশু তারারে কলঅ, “ঘেচ্চেকগুরি তুমি মঅ গলজ্‌সোত্ হেবা, মাত্তর্ মঅ ডেনেদি বা বাঙেদি বুজিবাত্তে দিবার্ অধিকার মর্ নেই। মঅ বাপ্পো যিগুনোত্তে সিয়েন ঠিগ্ গুরি রাগেয়্যে তারা সিয়েন্ পেবাক্।”

মার্ক 10:39

তারা কলাক্, “আমি পারিবোং।” সেক্কে যীশু তারারে কলঅ, “যে দুঘোর্ গলজত্ মুই হেম্ তুমি হামাক্কায় সিবেত্ হেবা, আর যে বাপ্তিস্মগান মুই মানি লোম্ সিয়েন তুমিয়ো মানি লবা,

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

রোমীয় 8:25

মাত্তর্ যিয়েন পাহ্ ন-অয় সিয়েনত্যে যুনি আমার্ আজা থায় সালে সিয়েনত্যে আমি ধৈয্য ধুরিনে বাজ্জেই থেই।

২ করিন্হীয় 1:7

তমা পৌইদ্যেনে আমার্ থির্ বিশ্বেজ্ আঘে, কিয়া তুমি যেধোক্ক্যেন আমার্ দুঘোর্ ভাগী সেধোক্ক্যেন আমার্ সান্তনার্‌‌অ ভাগী।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 4:14

তো তুমি মর্ দুঘোর্ ভাগীদার্ ওইনে গম্ গোজ্জ্য।

২ থিষলনীকীয় 3:5

প্রভু যেন তমার মনানি গোজেনর্ কোচ্‌পানার পধেদি আর খ্রীষ্টর্ ধৈজ্জ্যর্ পধেদি চালেই নেযায়।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 1:2

গোজেনর্ কধানি আর যীশু খ্রীষ্টর সাক্ষ্যগানি পৌইদ্যেনে যোহনে যিয়েনি দেক্ক্যে, সিয়েনি বেক্কানি পৌইদ্যেনে তে ইয়েনত্ সাক্ষ্য দিয়্যে।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 11:7

তারার্ সাক্ষ্য দেনা থুম্ অলে পরেদি সেই গভিন্ গাঢ্‌তোত্তুন্ এক্কো য়েমান উদি এইনে তারা লগে যুদ্ধো গুরিবো আর তারারে অদেই দিইনে মারে ফেলেব।

ফগদাং পেইয়্যে 12:11

ভেড়া-ছবোর্ লো আর নিজোর সাক্ষ্যলোই তারা তারে অদেই দুয়োন। তারা নিজোরে বেশ্ কোচ্‌ ন-পান্ বিলিনে তারার্ জিংকানিগানি দিবাত্যে তারা রাজী এলাক্।

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 13:10

যিবের বন্দী অবার্ কধা আঘে তে বন্দী অবঅ। যিবের ছুড়িলোই খুন অবার কধা আঘে তে খুন অবঅ। ইয়েনত্যে গোজেন মানুচ্চুনোর ধৈজ্জ্য আর বিশ্বেজর্ দরকার।

ফগদাং পেইয়্যে 14:12

যিগুনে গোজেনর্ উগুম পালান্ আর যীশু উগুরে বিশ্বেজি থান্ গোজেনর্ সেই মানুচ্চুনোর এই অবস্থাত্ ধৈজ্জ্যর্ দরকার।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।

ফগদাং পেইয়্যে 6:9

যেক্কে তে পাঁচ-লম্বর সীলমহ্‌রবো ভাঙিলো সেক্কে মুই এক্কো ডালিপূজো তলে এমন্‌ বেক্‌ মানুচ্চুনোর আত্মাগানি দেগিলুং যিগুনোরে গোজেনর্ কধানিত্যে আর সাক্ষ্য দিবাত্যে মারে ফেলা ওইয়্যে।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।