ফগদাং পেইয়্যে 1:7 - Chakma Bible

⁷ চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 1:7 Iomraidhean Croise

ইয়োব 33:26

তে গোজেন ইদু তবনা গুরিবো আহ্ তে তারে দোয়ে গুরিবো; তে গোজেন মুয়োন দেগিনে হুজিয়ে রঅ ছারি উদিবো; গোজেনে তারে তার নিদ্দুযি অবস্থাত্ ফিরি আনিবো।

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 68:1

গোজেন উঠ্, তার শত্রুগুনে ছিদি পোড়োদোক্ আর তার উল্লোমীগুনে তা মুজুঙেত্তুন ধেই যাদোক্।

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

সখরিয় 12:11

সেদিন্যে যিরূশালেমত্ অমকদ বিলেপ্ গুরিবাক্, যেবাবোত্যেগুরি মগিদ্দো সংজাগানর্ হদদ্-রিম্মোণত্ ওইয়্যে।

গণাণা 24:17

‘ইক্কিনে ন-অলেয়ো মুই তারে দেগঙর্, যুনিয়ো তে কোয়-কুরে নয় তো তা উগুরে মর্‌ চোগ্‌ পোজ্যে। এক্কো তারা উদিবো যাকোবর্‌ বংশত্‌, এক্কো রাজদন্ড উদিবো ইস্রায়েলর মোধ্যেত্তুন। মোয়াবীয়গুনোর্‌ আর শেথর পুয়োগুনোর্‌ মাঢাগুন তে গুড়ি গুরি দিবো।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

মার্ক 13:26

সে সময়োত্ মানুচ্চুনে মান্‌‌জ্যপুয়োবোরে দাঙর্ খেমতালোই আর মহিমালোই মেঘ ভিদিরে পিত্‌‌থিমীত্ এবাত্তে দেগিবাক্।

মার্ক 14:62

যীশু কলঅ, “মুয়ই সিবে। তুমি বেগত্তুন্ খেমতাবলা গোজেনর ডেনেদি মান্‌জ্য পুয়োবোরে বুয়োই থাদে দেগিবা আর আগাজত্ মেঘ সমারে এত্তে দেগিবা।”

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

যোহন 19:34

মাত্তর্ এক্কো সৈন্য তা বুগোদ্ শেল্লোই গুদো মারিলো, আর সেক্কেনে সিয়োত্তুন লো আর পানি নিগিলি এলঅ।

যোহন 19:37

আরঅ বোইবোর্ আর এক্কান্ কধা ইয়েন-“যিবেরে তারা গুদেয়োন্ তান্দি তারা রিনি চেবাক্।”

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ থিষলনীকীয় 4:17

সে পরেদি আমি যিগুনে জেদা আর বাগী থেবং, আমারেয়ো আগজত্ প্রভু লগে মিজেবাত্যে তারা সমারে মেঘ ভিদিরে তুলি নেযা অবঅ। আর এবাবোত্যেগুরি আমি উমরত্যে প্রভু সমারে থেবং।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 6:6

আর সিয়েনর্ পরেদি খ্রীষ্টত্তুন্ ফিরি যেইয়োন, তারারে আরঅ নূয়ো গুরিনে মন ফিরেবার পধত্ আনানা সম্ভব নয়। ইয়েন সম্ভব নয়, কিয়া তারা নিজে গোজেনর্ পুয়োবোরে আরঅ ক্রুশোত্ দেদন্ আর বেক্কুনো মুজুঙোত্ তারে অসম্মান গত্তন্।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।

যিহূদা 1:14

আদম গুট্টির সাত পুরুষ হনোকে এ মানুচ্চুনো পৌইদ্যেনে আগে কোইয়্যে, “চঅ, প্রভু তার আজার আজার পবিত্র দূত্‌তুনোরে লোইনে বেক্কুনোর বিচের গুরিবাত্যে এজের্, আর ভোক্তি-নেইয়্যে মানুচ্চুনে ভোক্তি-নেইয়্যে ধোক্ক্যেন গুরিনে যেদক্কানি ভান্ন্যেই কাম গোজ্জ্যন আর সেই ভোক্তি-নেইয়্যে পাপীগুনে প্রভুর বিরুদ্ধে যেদক্কানি দরমর কধা কোইয়োন সেনত্যে তে তারারে দুষি গুরিবাত্যে এজের্।”

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।