ফগদাং পেইয়্যে 1:15 - Chakma Bible

¹⁵ তা টেঙানি এলঅ আগুনোত্ পুড়িনে সাব্ গোজ্জ্যে ভারী চক্‌চোক্ক্যে পিদোল ধোক্ক্যেন, আর তার মুয়ো রবুয়ো এলঅ জুরে বেঈ যেইয়্যে গঙার আবাজ ধোক্ক্যেন।

ফগদাং পেইয়্যে 1:15 Iomraidhean Croise

গীতসংহিতা 93:4

বান পানি গুজুরোনাত্তুন্, সাগর তুবোলত্তুন্ লগেপ্রভু খেমতাবলা, যিবে উগুরে আঘে।

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিহিষ্কেল 1:24

প্রাণিগুন আঢিলে পরেদি মুই তারার্ ডুয়োগানির্ রঅ শুনিদুং; সিয়েনি এলদে বান পানি গঙার রঅ ধোক্ক্যেন, বেগত্তুন্ খেমতাবলাবোর্ রবো ধোক্ক্যেন, এক্কো সৈন্যদলর্ কোল্‌‌বাজেয়্যে ধোক্ক্যেন। প্রাণিগুন থির্ ওইনে থিয়্যেলে পরেদি তারা তারার্ ডুয়োগানি বুদি নেযেদাক্।

যিহিষ্কেল 1:7

তারার্ টেঙানি এলদে উজু আর টেঙ পাদানি গোরুছর্ টেঙ মুরি ধোক্ক্যেন্; সিগুন পালিশ গোজ্যে পিদল ধোক্ক্যেন্ চোক্‌‌‌চোক্ক্যে।

যিহিষ্কেল 40:3

তে মরে সিয়েনত্ নেযেল আর মুই এক্কো মান্‌জ্যরে দেগিলুং যিবের্ কিয়্যেগান পিদোল ধোক্ক্যেন ঝক্‌মক্ গরের্। আঢত্ মসীনার দড়ি আর মাবেদে কাদিবো নিইনে তে গেদোত্ থিয়্যেই এলঅ।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

দানিয়েল 10:6

তা কিয়্যেগান বৈদূর্যমণি ধোক্ক্যেন, মুয়োন কারেন ধোক্ক্যেন, চোগ্‌কুন জ্বোল্‌জোল্যে বম্বা ধোক্ক্যেন, আঢ্-টেঙানি পালিশ গোজ্যে পিদোল চোক্‌চোক্যে ধোক্ক্যেন আর তা রবো এগত্তর্ ওইয়্যে বোউত্ মান্‌জ্যর্ রঅ ধোক্ক্যেন।

ফগদাং পেইয়্যে 10:1

সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 14:2

সে পরেদি মুই স্বর্গত্তুন্ জোরে বেঈ যেইয়্যে গঙার পানি রঅ ধোক্ক্যেন আর জোরে দেবা পেরাগ পড়েদে ধোক্ক্যেন এক্কো রঅ শুনিলুং। যে রবুয়ো মুই শুনিলুং সিবে অলদে বীণা-বাজেয়্যেগুনোর্ বীণার আবাজ ধোক্ক্যেন।

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্: