ফগদাং পেইয়্যে 1:14 - Chakma Bible

¹⁴ তা মাঢাবোর চুলানি ভেড়া কেজর্ আর বরফ ধোক্ক্যেন ধূব্ এলঅ আর তা চোগ্‌কুন আগুনো জিলো ধোক্ক্যেন এলঅ।

ফগদাং পেইয়্যে 1:14 Iomraidhean Croise

দানিয়েল 10:6

তা কিয়্যেগান বৈদূর্যমণি ধোক্ক্যেন, মুয়োন কারেন ধোক্ক্যেন, চোগ্‌কুন জ্বোল্‌জোল্যে বম্বা ধোক্ক্যেন, আঢ্-টেঙানি পালিশ গোজ্যে পিদোল চোক্‌চোক্যে ধোক্ক্যেন আর তা রবো এগত্তর্ ওইয়্যে বোউত্ মান্‌জ্যর্ রঅ ধোক্ক্যেন।

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

মথি লেখ্যে গম্ হবর্ 28:3

তা চেঙেরাগান্ কারেন ধোক্ক্যেন্ এলঅ আর তা কাবড়-চুগোড়ানি তুলো ধোক্ক্যেন্ ধুব্ এলঅ।

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্: