ফগদাং পেইয়্যে 1:13 - Chakma Bible

¹³ সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

ফগদাং পেইয়্যে 1:13 Iomraidhean Croise

যাত্রা 39:5

এফোদর্‌ লগে জড়া লাগেয়্যে কমরর্‌ ফিতেগান্‌অ‌ চাদে এফোদ ধোক্ক্যেন অলঅ‌। সিয়েন্‌অ সনা আর য়েল্, বিগুনি আর রাঙা রংয়র্‌ সুদো আর পাগেয়্যে মসীনা সুদোলোই বানা অলঅ‌। লগেপ্রভু মোশিরে যেধোক্ক্যেন উগুম্‌ দিয়্যে সেধোক্ক্যেনই বেক্কানি গরা অলঅ‌।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

লেবীয় 8:7

পরেদি তে হারোনরে ভিদিরে সিলুম্মো উরেই দিইনে ফারদ্‌ দুরিগান্‌ বাঁনি দিলো। তে এফোদর্‌ তলে সিলুম্মো আর সিবে উগুরে এফোদ্‌তুয়ো তারে উরেই দিলো আর এফোদ সমারে জড়া লাগেয়ে ফারদ্‌ দুরিগান্‌ দিইনে এফোদ্‌তোয়ো বাঁনি দিলো। সেক্কে এফোদ্‌তো তা কিয়্যেত্‌ আক্‌সোই থেলঅ।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।

ফগদাং পেইয়্যে 15:6

সেক্কে সেই সাতজন স্বর্গদূত্ সাত্‌তান আঘাত লোইনে উবোসনা-ঘরত্তুন্ নিগিলি এলাক্। তারার্ কিয়্যেনিত এলঅ সাব্ চোক্‌চোক্যে কাবড় আর বুগোত্ বান্যে এলঅ সনার পট্টি।

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্: