গীতসংহিতা 99:8 - Chakma Bible

⁸ ও আমা গোজেন লগেপ্রভু, তুই তারার ডাগনিলোই শমক্ দিদে; তুই তারার খেমাগুরিয়্যে গোজেন ইজেবে এলে, যুনিয়ো তারার অন্যেয়র সাজা দিবাত্তে তুই ন-ছাড়স্।

গীতসংহিতা 99:8 Iomraidhean Croise

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

গীতসংহিতা 78:38

তো তে দোয়্যে-মেয়্যেলোই ভরা বিলিনে তারার অন্যেয়ানি খেমা গুরিলো, তারারে ভস্ত ন-গুরিলো; তা রাগ্‌কান তে বার বার দোঙেই রাগেল, তা বেক্ রাগ্‌কান ফুলি ন-উদিলো।

গীতসংহিতা 89:33

মাত্তর্ মর্ অমকদ কোচ্‌পানা মুই তা উগুরেত্তুন তুলি ন-নেযেম; মঅ বিশ্বেজ্‌ছান মিজে অবাত্তে ন-দিম।

যাত্রা 32:2

জোবত্‌ হারোণে তারারে কলঅ‌, “তমার মোক্কুনোর আর পূঅ-ঝিগুনোর্‌ কানর্‌ সনার্‌ কান্‌ফুলানি খুলি আনিনে মরে দুয়ো।”

যাত্রা 34:7

তার্‌ অমকদ কোচ্‌পানা আজার্‌ আজার্‌ বংশ ধুরিনে থেবঅ‌। তে অন্যেয়, উল্লোমি আর পাপ্‌ ক্ষেমা গরে, মাত্তর্‌ দুষীগুনোরে সাজা-দে। তে বাবর্‌ অন্যেয়র্‌ সাজা তার্‌ বংশর্‌ তিন্নো-চের্‌বো বংশধর্ সং দি থায়।”

উপদেশক 7:29

বানা ইয়েন্ মুই হবর্ পেলুং, গোজেনে মান্‌জ্যরে গমেডালে বানেয়্যে, মাত্তর্ মানুচ্ নানান্ বাবোত্যে চালাগিগুরি পিজেদি যেয়োন্দোই।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

সফনিয় 3:7

মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

গণাণা 20:24

“হারোণত্তুন্‌ তার্‌ পুরোণি মানুচ্চুনোর ইদু যাহ্ পুরিবো। যে দেজ্‌চান্‌ মুই ইস্রায়েলীয়গুনোরে দিম্‌ তার্‌ সিদু যানা ন-অবঅ, কিত্যে মরীবাদত্‌ সেই পানিগানর্‌ পৌইদ্যেনে তুমি মর্ উগুমোর্‌ বিরুদ্ধে কাম্‌ গোজ্য।

রোমীয় 1:21

মান্‌জ্যে তা পৌইদ্যেনে জানিবার্ পরেদিয়ো গোজেন ইজেবে তারে বাঈনীয়ো ন-গরন, আর ভালেদিয়ো ন-জানান্। তারার্ চিন্তেগানি বাজে ওই যেইয়্যে আর তারার্ বুদ্ধি-নেইয়্যে মনানি আন্ধারে ভুরি যেইয়্যে।

দ্বি’লম্বর বিররণ 3:26

মাত্তর্‌ তমাত্তে লগেপ্রভু মঅ উগুরে বেজার্‌ অনায়্‌ মঅ কধাগান্‌ তে ন-শুনিলো। তে কলদে, জদবদে ওইয়্যে। এ পৌইদ্যেনে মরে আর ন-কোইয়ো।