গীতসংহিতা 99:5 - Chakma Bible

⁵ আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।

গীতসংহিতা 99:5 Iomraidhean Croise

১ বংশধর 28:2

পরেন্দি রাজা দায়ূদে থিয়্যেইনে তারারে কলঅ, মর্‌ ভেইয়ূন আর মর্‌ মানুচ্চুন্‌, মঅ কধাগান্‌ গমেডালে শুনো। লগেপ্রভুর সুদোম-সুন্দুক্কোত্তে, অত্তাৎ আমা গোজেন টেঙ্‌ থবার্‌ জাগানত্তে এক্কান্‌ থিদেবর্ গোজ্যে ঘর্‌ বানেবার্‌ আওজ্ মঅ মনত্‌ এলঅ, আর মুই সিয়েন্‌ বানেবার্‌ যুক্কোলঅ গোজ্যং।

গীতসংহিতা 107:32

সমাজ ইদু সিগুনে তার বাঈনী গোরোদোক্, বুড়ো নেতাগুনোর তেম্মাঙত্ তারে নাঙ্ গিনোদোক্।

গীতসংহিতা 108:5

ও গোজেন, তর্ মহিমাগান্ দেবাবো সং উদোক্; তর্ বাঈনী পানাগান্ পিত্‌থিমীগান উগুরে দেগা দোক্।

গীতসংহিতা 118:28

তুয়ই মর্ গোজেন, মুই তরে ভালেদি জানেম্; তুয়ই মর্ গোজেন, মুই তরে বাঈনী গুরিম।

গীতসংহিতা 132:7

আদঅ, আমি তাহ্ থেবার জাগানত্ যেই, তার্ টেঙ্-থইদ্যে জাগানত্ মাঢা নিগিরিনে উবোসনা গুরিই।

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 34:3

তুমি মঅ লগে লগেপ্রভুর মহিমার কধা কঅ; এজঅ, আমি একসমারে তার্ বাঈনী গুরিই।

গীতসংহিতা 99:3

সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

গীতসংহিতা 99:9

সেনত্তে আমা গোজেন লগেপ্রভুর বাঈনী গরঅ; তা পবিত্র মুড়োবোর মুজুঙোত্ তারে শ্রদ্ধা জানঅ, কিত্তে আমা গোজেন লগেপ্রভু পবিত্র।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যিশাইয় 12:4

সেদিন্যে তুমি কবা, “লগেপ্রভুরে ভালেদি জান, তা গুণোর্ কধানি ফগদাং গরঅ; তে যিয়েনি গোজ্যে সিয়েনি বেক্ জাদ্‌তুনোরে জানঅ‌‌ আর ফগদাং গরঅ, তে দাঙর্।

যিশাইয় 25:1

ও লগেপ্রভু, তুয়ই মর্ গোজেন; মুই তর্ বাঈনী গুরিম আর তরে নাঙ্ গিনিম। যেদক্কানি আমক্ অবার্ কাম ভালোক্ দিন আগে তুই পরিকল্পনা গোজ্যস্ সিয়েনি তুই বেক্কানি গমেডালে গোজ্যস্।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

হোশেয় 11:7

মঅ মানুচ্চুনে মত্তুন্ ফিরি যানা থির্ গোজ্যন্। সেনত্তে তারা দাঙর্ গোজেনরে, অত্তাৎ মরে ডাগিলেয়ো মুই তারারে মোটেই সাহায্য ন-গুরিম।