গীতসংহিতা 99:3 - Chakma Bible

³ সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

গীতসংহিতা 99:3 Iomraidhean Croise

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

নহিমিয় 4:14

সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

গীতসংহিতা 100:4

তারে ভালেদি জানাদে জানাদে তা গেট্টোন্দি চোমেয়ো, তার্ বাঈনী গত্তে গত্তে তা উদোনত্ চোমেয়ো; তারে ভালেদি জান, তার বাঈনী গরঅ।

গীতসংহিতা 103:1

ও মর্ পরাণান্, লগেপ্রভুর বাঈনী গর্; ও মর্ মনান, তা পবিত্রতাগানর বাঈনী গর্।

গীতসংহিতা 111:9

তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

গীতসংহিতা 145:17

লগেপ্রভু তার বেক্ পধেদি ন্যায়বলা আর বেক্ কামদি বিশ্বেজি।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 76:1

যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্।

গীতসংহিতা 76:12

শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

দ্বি’লম্বর বিররণ 28:58

এ বোইবোত্‌ যেদক্কানি রীদি-সুুদোম লেগা আঘে সিয়েনি যুনি তুমি গমেডালে মানি ন-চলঅ, অত্তাৎ তমার গোজেন লগেপ্রভু বিলিনে ইয়েন যে বাঈনী ‍গুরিবার আর দর্‌ জাগেয়্যে নাঙান্‌ রোইয়্যে যুনি তুমি সে নাঙানরে সর্মান ন-গরঅ,

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।

ফগদাং পেইয়্যে 4:8

এই চের্‌বো জেদা পরাণবলার্ পত্তিবোর্ ছ'গান গুরি ডুয়ো এলঅ আর বেক্‌ জাগানিত্ চোগ্‌কোই ভরণ এলঅ। সেই পরাণবলাগুনে দিনে-রেদে এ কধাগান কধন্, “বেগত্তুন্ খেমতাবলা প্রভু গোজেন, যিবে এলঅ, যিবে আঘে আর যিবে এজের্, তে পবিত্র, পবিত্র, পবিত্র।”

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।