গীতসংহিতা 96:1 - Chakma Bible

¹ তুমি লগেপ্রভুর নাঙে নুয়ো গীদ্ গঅ; পিত্‌থিমীর বেক মানুচ্চুন্, তুমি লগেপ্রভুর নাঙে গীদ্ গঅ।

গীতসংহিতা 96:1 Iomraidhean Croise

গীতসংহিতা 149:1

লগেপ্রভুরে নাঙ্ গিনে ওক্। তুমি লগেপ্রভুর নাঙে নুয়ো গীদ্ গঅ, গোজেন ভক্তগুনো তেম্মাঙত্ তারে নাঙ্ গিনেদে গীদ্ গঅ।

গীতসংহিতা 33:3

তার্ নাঙে নুয়ো গান গঅ, কাবিল্ আত্তোই বাজানা বাজঅ আর হুজিয়ে রঅ ছাড়।

গীতসংহিতা 66:4

দুনিয়ের বেক্ মানুচ্চুনে তরে তর্ যগাজ্যে সর্মান দিবাক্; তর্ নাঙে তারা নাঙ্ গিনেদে-গীদ্ গেবাক্; তারা তর্ নাঙ্ গিনেদে গীদ্ গেবাক্।”

গীতসংহিতা 68:32

ও পিত্‌থিমীর বেক রেজ্যগানি, গোজেনর নাঙে গীদ্ গঅ, প্রভুর নাঙে নাঙ্ গিনেদে গীদ্ গঅ।

গীতসংহিতা 98:1

তুমি লগেপ্রভুর নাঙে নুয়ো গীদ্ গঅ, কিত্তে তে ভালোক্কানি আমক্ অবার কাম গোজ্যে; তার খেমতা, অয়, তার পবিত্র দাঙর্ খেমতালোই তে উদ্ধোর্ গোজ্যে।

রোমীয় 15:11

আরঅ আঘে, ও বেক্ জাদর্ মানুচ্চুন, প্রভুরে বাঈনী গরঅ; বেক্‌ মানুচ্চুনে তারে নাঙ্ গিনোদোক্।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।