গীতসংহিতা 9:1 - Chakma Bible

¹ ও লগেপ্রভু, মঅ বেক্ মনান্দোই মুই তরে বাঈনী গুরিম আর তর্ বেক্ আমক্ অইদে কামর্ কধানি কোম।

গীতসংহিতা 9:1 Iomraidhean Croise

১ বংশধর 16:12

ও তার্ চাগর্‌ ইস্রায়েল বংশধরুন্‌, তার্‌ বেঈ লোইয়্যে যাকোব পুয়োগুন্‌, তুমি তার্‌ দাঙর্‌ দাঙর্‌ কাম কধানি মনত্‌ রাগেয়ো; তার্‌ আমক্‌ অবার্‌ কাম কধানি আর বিচেরত্‌ সাজার্ কধানি তে কোইয়্যে সিয়েনি ইদোত্‌ রাগেয়ো।

১ বংশধর 16:24

নানান্‌ জাদ ভিদিরে তার্‌ মহিমাগান্ ফগদাঙ্‌ গরঅ; বেক্‌ মানুচ্চুনো ইদু তার্‌ বেক্‌ আমক্‌ অইদে কামর্ কধানি ফগদাঙ্‌ গরঅ।

গীতসংহিতা 106:2

লগেপ্রভুর্ দোল্ দোল্ কামর কধানি কন্না কোই পারে? তার বাঈনী গরানালোই ভরা কধাগান ফগদাঙ্ গরে এবাবোত্যে সাধ্য কার্?

গীতসংহিতা 111:1

লগেপ্রভুরে নাঙ্ গিনে ওক্। মুই মন দি লগেপ্রভুরে বাঈনী গুরিম, বাঈনী গুরিম গোজেন ভক্তগুনোর্ দল ভিদিরেত্তুন্, বাঈনী গুরিম তেম্মাং সুলগ মানুচ্চুনো ভিদিরেত্তুন্।

গীতসংহিতা 138:1

ও লগেপ্রভু, মনে পরাণে মুই তরে বাঈনী গুরিম; এন্ কি, দেবেদাগুনো মুজুঙত্‌অ মুই তর্ নাঙ্ গিনেদে-গীদ্ গেইম্।

গীতসংহিতা 26:7

যেনে রঅ ছাড়িনে মুই তরে ভালেদি জানেই পারং, আর তর্ বেক্ আমক্ অইদে কামর্ কধানি কোই পারং।

গীতসংহিতা 51:15

ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গীতসংহিতা 86:12

ও প্রভু, মর্ গোজেন, মুই বেক্ মনান্দোই তর্ বাঈনী গুরিম; উমর জিংকানি তর্ গুণগান গুরিম।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিশাইয় 43:21

সেই মানুচ্চুনোরে মুই নিজোত্তে বানেয়োং যেন তারা মরে বাঈনী গুরি পারন্।

যিশাইয় 60:6

ধূল্যেচরেদি যেইয়্যে উটো পিদিত্ যেইয়্যেগুন্দোই তমা দেজ্‌চান ভুরি যেবঅ, ভুরি যেবঅ মিদিয়ন আর ঐফার বোলী উট্‌তুন্দোই। তারা সোনা আর তুম্বাজ্ আগর্‌বাট্টি্‌লোই শিবা দেজত্তুন এবাক্ আর লগেপ্রভুরে বাঈনী গুরিবাক্।

লূকে লেখ্যে গম্ হবর্ 10:27

সেই ধর্ম-মাষ্টর্‌বো যীশুরে জোব্ দিলো, “তুমি পত্তিজনে তমার্ বেক্ রিবেঙান্, বেক্ পরাণান্, বেক্ বলান্ আর বেক্ মনান্ দিইনে তমা প্রভু গোজেনরে কোচ্‌পেবা; আর তমা পাড়াল্যেগুনোরে নিজো ধোক্ক্যেন্ কোচ্‌পেবা।”

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!