গীতসংহিতা 83:2 - Chakma Bible

² চাহ্, কেজান্ গুরি তর্ শত্রুগুনে রঅ ছাড়দন্ আর যিগুনে তরে ঘিনান্ তারা বার্‌বো গুরিনে মাদাগুন উজু গোজ্যন্।

গীতসংহিতা 83:2 Iomraidhean Croise

২ রাজাবলী 19:28

তুই মঅ বিরুদ্ধে রাগে ফুলি উঠ্যচ্‌ বিলি আর তঅ দেমাগ কধানি মঅ কানত্‌ এচ্ছে বিলি মুই তঅ নাগত্‌ মঅ কেবাবো লাগেম্‌ আর তঅ মুয়োনত্‌ মর্‌ লাগামান্‌ লাগেম্‌; আর যে পথ্‌তানন্দি তুই এচ্ছোস্‌ সে পথ্‌তানন্দি ফিরি যেবাত্তে মুই তরে বাধ্য গুরিম্‌।

গীতসংহিতা 109:1

ও গোজেন মুই তর্ বাঈনী গরং; তুই জুরো গুরি ন-থেচ্।

গীতসংহিতা 74:23

তঅ শত্রুগুনোর কিজিক্ কাজাক্, তঅ বিরুদ্ধে তারার যে রঅ ছাড়াচাড়ি নিত্য চলের্, সিয়েন ভুলি ন-যেচ্।

গীতসংহিতা 74:4

যিয়েনত্ তঅ সমারে আমার এগত্তর্ অদঅ সেই জাগানত শত্রুগুনে রঅ ছাড়ি নিগিল্যন্, সিয়েনত্ তারা নিজোর বাবতাগান উড়েয়োন্।

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

গীতসংহিতা 93:3

ও লগেপ্রভু, বান পানিগানে গুজুরি উদের্, সে পানিগানে গুজুরি উদের্; ফুলি উঠ্যে তুবোলুন্ ভাঙদন্।

যিশাইয় 17:12

হায় হায়, বোউত্ মান্‌জ্যর রঅ শুনো যার্! গুজুরি উঠ্যে সাগর ধোক্ক্যেন জাদ্‌‍‍তুনে গুজুরোদন্। জাদ্‌তুনোর জদবদে রঅ ছাড়ানাগানি শুনো যার্। দর্‌‍‍‍‍গরেপারা বান পানির গুজুরোনি ধোক্ক্যেন তারা রঅ ছাড়দন্।‍

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 37:29

তুই মঅ বিরুদ্বে রাগ্ গোজ্যস্ বিলিনে আর তঅ দেমাগর্ কধা মঅ কানত্ এচ্চ্যে বিলিনে মুই তঅ নাগ্‌কোত্ মঅ হেবাবো লাগেম্, আর যে পথ্‌তানন্দি তুই এচ্চ্যস্ সে পথ্‌‌তানন্দি ফিরি যেবাত্তে মুই তরে বাধ্য গুরিম।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

মথি লেখ্যে গম্ হবর্ 27:24

পীলাতে যেক্কে দেগিলো তে কিচ্চু গুরি ন-পারের্ বরং আরঅ জোল্ অর্, সেক্কে তে পানিলোই মানুচ্চুনো মুজুঙোত্ আঢ্‌তানি ধোইনে কলঅ, “এ মানুচ্চোর্ লো-গানত্তে মুই দায়ী নয়; তুমিই সিয়েন্ বুঝিবা।”

প্রেরিত্‌ 16:22

অন্য মানুচ্চুনেয়ো পৌল আর সীল বিরুদ্ধে তারা সমারে মিজেলাক্। সেক্কে শাসনগুরিয়্যেগুনে উগুম্ দিলাক্ যেন তারার কাবর্-চুগোড়ানি ফাদি ফেলেইনে বেত্ মারা অয়।

প্রেরিত্‌ 17:5

মাত্তর্ যিহূদীগুনে ইংসে গুরিনে বাজারত্তুন্ কয়েক্কো পাজি মানুচ্‌ যগার্ গুরি আনিনে ভীড় জমেলাক্ আর শঅর ভিদিরে যাগুলুগ্ বাজেই দিলাক্। সে পরেদি পৌল আর সীলরে তোগেইনে বারে মানুচ্চুনো ইধু তারারে আনিবাত্যে তারা যাসোন ঘরঅ উগুরে যেন ঝাবেই পড়িলাক্,

প্রেরিত্‌ 21:30

সেক্কে পুরো শঅরত্ উত্তেজিত ওই উদিলাক্। মানুচ্চুনে একসমারে ধাবা এইনে পৌলরে ধুরিনে উবোসনা-ঘরত্তুন্ টানিনে নিগিলেই আনিলাক্ আর সমারে সমারে উবোসনা-ঘরর্ দোরানি নাঢি দিলাক্।

প্রেরিত্‌ 22:22

মানুচ্চুনে এদক্কন্ সং পৌল কধা শুনোদন্, মাত্তর্ যেক্কে তে অযিহূদীগুনো কধা কলঅ সেক্কে মানুচ্চুনে রঅ ছাড়িনে কুয়ো ধুরিলাক্, “তারে পিত্‌থিমীত্তুন্ দূর্ গুরি দুয়ো; তে বাঁজি থেবার্ মত নয়।”

প্রেরিত্‌ 23:10

সেই কোল্-কোজ্জ্যেগান্ এদক্ দাঙর্ অলঅ যে, আজল্ সেনাপতিবো দোরেলদে যে যুনি তারা পৌলরে কট্টা কট্টা গুরি ফেলান্। তে সৈন্যগুনোরে উগুম্ দিলো যেন তারা যেইনে মানুচ্চুনো আঢত্তুন্ পৌলরে ছাড়েই আনিনে কেম্পত্ নেযান্।

বিচের গুরিয়্যেগুন 8:28

ইঙিরিনেই ইস্রায়েলীয়গুনে মিদিয়নীয়গুনোরে দোঙেনে রাগেলাক্‌; তারা আর মাদা তুলি ন-পারিলাক্‌। গিদিয়োনর জীংকানির বাগি চোল্লিশ বজর দেজত্‌ সুখ-শান্দি এলঅ।