গীতসংহিতা 83:10 - Chakma Bible

¹⁰ সীষরা আর যাবীন ঐন্‌দোরোত্ ভস্ত ওই যেয়োন্; তারা ভূইয়ো উগুরে গবর ধোক্ক্যেন্ পড়ি আগন্।

গীতসংহিতা 83:10 Iomraidhean Croise

২ রাজাবলী 9:37

সে ভূইয়ো মাদিগানত্‌ ঈষেবলর কিয়্যেগান্‌ এন্‌ গবর-সার ধোক্ক্যেন্‌ পড়ি থেবদে, কনজনে চিনি নঅ-পারিবাক্‌ সিয়েন্‌ যে ঈষেবলর কিয়্যেগান।’ ”

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

সফনিয় 1:17

মানুচ্চুনো উগুরে লগেপ্রভু অমকদ দুঘ্ আনিবো যিয়েনত্তে তারা কান্ মান্‌‌‌‌জ্য ধোক্ক্যেন আঢিবাক্, কিত্যেই লগেপ্রভুর বিরুদ্ধে তারা পাপ গোজ্যন্। তারার্ লো-গানি ধূল্যে ধোক্ক্যেন ফেলেই দিয়্যে অবঅ আর তারার্ কিয়্যেনি গবর ধোক্ক্যেন পড়ি থেবঅ।

যিহোশূয় 17:11

ইষাখর আর আশের-গুট্টির দুযি ভিদিরে বৈৎ-শান, যিব্‌লিয়ম আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। ইয়েনবাদে দোর, ঐন্‌-দোর, তানক আর মগিদ্দোর মানুচ্চুন্‌ সহ এ বেক্‌ শঅর্‌ আর সিয়েনির কায়-কুরে বেক্‌ আদামানি মনঃশি-গুট্টিরে দিয়্যে ওইয়্যে। যেরেন্দি তিনান্‌ শঅর্‌ আর তারা সমারে আদামানি এলঅ মুড়ো-মুড়ি চাগালাত্‌।

বিচের গুরিয়্যেগুন 4:15

বারকে যেক্কে আক্রমণ গুরিলো সেক্কে তা মুজুঙোত্‌ সীষরা আর তার্‌ বেক রথ্‌তানি আহ্‌ সৈন্যগুনোরে চিত্রিভংগ গুরি দিলো। সেক্কে সীষরা তার রথ্‌তান্‌ ফেলেইনে ধেই গেলঅ‌।

বিচের গুরিয়্যেগুন 4:16

মাত্তর্‌‌ বারকে হরোশৎ-হগোয়িম সং তারার্‌ রথ্‌তানি আর সৈন্যদলর পিজেন্দি লোড়েই নেযেল। সীষরার বেক্‌ সৈন্যগুনোরে মারে ফেলেলাক্‌, একজনঅ বাগী ন-রলাক্‌।

বিচের গুরিয়্যেগুন 5:21

সে পূরোণ্‌কালর গাঙর্‌ পানিগানে, সে কীশোন গাঙর্‌ পানিগানে শত্রুগুনোরে ভাজেই নেযেল। ও মর্‌ মনান্‌, দর মর ওইনে উজেই যাহ্।

বিচের গুরিয়্যেগুন 7:25

তারা ওরেব আর সেব নাঙে দ্বিজন মিদিয়নীয় নেতারে ধুরিলাক্‌ আর ওরেবরে শিলুনোর ইদু আর সেবকরে সেবর আংগুর মারিবার জাগায়ানত্‌ মারে ফেলেলাক্‌। তারা মিদিয়নীয়গুনোরে লোড়েই নেযেলাক্‌ আর ওরেব আর সেবর মাধাবো যর্দনর উইকুলোত্‌ গিদিয়োনর ইদু নেযেলাক্‌।

১ শমূয়েল 28:7

শৌল সেক্কে তার কামগুরিয়্যেগুনোরে কলঅ, “তুমি এনজান্‌ এক্কো মিলেমান্‌জ্যরে থগঅ, যে মরা মানজ্যর্‌ আত্মা সমারে কধা কোই পারে, যেনে তাইদু যেইনে মুই পুযোর্‌ গুরি পারং মুই কি গুরিম্‌।” তারা কলাক্, “ঐন্‌দোরোত্‌ সেধোক্ক্যেন এক্কো মিলেমানুচ্‌ আঘে।”