গীতসংহিতা 82:5 - Chakma Bible

⁵ শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গীতসংহিতা 82:5 Iomraidhean Croise

ইয়োব 8:9

আমি দঅ গেল্যেকেল্যে জর্মেয়্যেই, কিচ্ছু হবর্‌ ন-পেই; পিত্‌থিমীর্‌ উগুরে আমা দিনুন্‌ ছাবা ধোক্ক্যেন্‌ যাদন্‌।

গীতসংহিতা 11:3

কিত্তে কর্, “যুনি দুনিয়ে-সংসারর্ বেক্ আজল্ গোড়াগান ভাঙি ফেলা অয় সালে গোজেন ভক্তগুনোর্ গুরিবার আর্ কিচ্চু নেই”?

গীতসংহিতা 14:4

যিগুনে ভান্ন্যেই কাম গুরি বেড়ান্ তারা কি এত্তমান্ অবুঝ্? মানুচ্চুনে যেধোক্ক্যেন্ গুরি হানা খান্ সেধোক্ক্যেন্ গুরিনে তারা আমা মানুচ্চুনোরে হেই পেলান্; তারা লগেপ্রভুরে ন-ডাগন্।

গীতসংহিতা 53:4

যিগুনে ভান্ন্যেই কাম্ গুরিনে বেড়ান তারা কি এদক্ অবুঝুনোর্? মানুচ্চুনে যেধোক্ক্যেন্ গুরি হানা খান্ সেধোক্ক্যেন গুরিনে তারা মঅ মানুচ্চুনোরে হেই ফেলান; তারা গোজেনরে ন-ডাগন্।

গীতসংহিতা 75:3

পিত্‌থিমী আর তার মানব-সমাজর সুদোমানি যেক্কে ভাঙি যায়, সেক্কেনে মুয়ই তার খুদোগুন টিগেই রাগেয়োং।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

গম্ উপদেজ্ 1:29

তারা জ্ঞানানরে ঈচ্ গোজ্যন্ আর লগেপ্রভুরে ভোক্তিগুরিনে ন-দরান্।

গম্ উপদেজ্ 2:13

যিগুনে আন্ধার পধেদি আঢিবাত্তে উজু পথ্‌তান্ বাদ দুয়োন,

গম্ উপদেজ্ 4:19

মাত্তর্ পাজিগুনোর পথ্‌তানি গভীন আন্ধার ধোক্ক্যেন্; তারা হবর্ ন-পান কুবোন্দোই তারা উজোত্ হান।

উপদেশক 2:14

জ্ঞানী মান্‌জ্যর চোগ্ আঘে, মাত্তর্ ভুলো আন্ধারত্ আঢাউদো গরে; মাত্তর্ মুই ইয়েনই বুঝিলুং, সে দ্বিজনর্ শেজ্ দজাগান্ এক্কুই।

উপদেশক 3:16

মুই বেলান তলেদি আর এক্কান বেপার দেগিলুং, ন্যায়বিচের আর গম্ জাগানিত্ পাজি কামানি আঘে।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

যিশাইয় 59:9

সেনত্তে ন্যায়বিচেরান আমাত্তুন দূরোত্ থায় আর সততাগান আমা ইদু ন-লুমেগি। আমি পহ্‌‍‌‌‌‌র পেবাত্তে চেই, মাত্তর্ বেক্কানি আন্ধার; জোল্‌‍‌‌‌‌জোল্যে পেবাত্তে চেই, মাত্তর্ ঘন ছাবালোই চলিই।

মীখা 3:1

মুই মীখা কঙর্, ও যাকোবর নেতাগুন, অত্তাৎ ইস্রায়েল বংশর শাজন্‌গুরিয়্যেগুন, তুমি শুনো। তমার্ কি ন্যায়বিচের পৌইদ্যেনে হবর্ পানা উজিত্ নয়?

যোহন 12:35

যীশু তারারে কলঅ, “আর কয়েক্ দিনোত্তে পহ্‌রান্ তমা সমারে সমারে আঘে। পহ্‌রান্ তমা ইধু থাদে সময়োত্ আঢা মারঅ যেন আন্ধারানে তমারে জিদি ন-পারে। যে আন্ধারত্ আঢে তে কুদু যার্ সিয়েন হবর্ ন-পায়।

যোহন 3:19

তারে দুষি বিলি ঠিগ্ গরা ওইয়্যে কিয়া জগদত্ পহ্‌র এচ্চ্যে, মাত্তর্ মান্‌জ্যর্ কামানি ভান্ন্যেই বিলি মানুচ্ পহ্‌রত্তুন্ আন্ধাররে বেশ্ কোচ্‌পেইয়োন্।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।