গীতসংহিতা 82:3 - Chakma Bible

³ তুমি নাদা আর মা-বাপ নেইয়্যেগুনোর উগুরে দোল্‌বিচের্ গরঅ, দিন্-দুঘি আর নাদা মানুচ্চুনোর পাইদ্যে অধিকারান্ রোক্ষ্যে গরঅ,

গীতসংহিতা 82:3 Iomraidhean Croise

ইয়োব 29:12

কিত্যে বল্ পেবাত্তে যে নাদা মানুচ্চুনে কানন্ আর যে বাপ-মা নেইয়্যেগুনোরে বলদিয়্যে কনজন ন-এলাক্, তারারে মুই রোক্ষ্যে গুরিদুং।

ইয়োব 31:21

বিচেরত্ মর্ খেমতা আঘে বিলিনে মুই যুনি বাপ-মা নেইয়্যেগুনোর কিয়্যেত্ আত্ তুলি থাং,

গীতসংহিতা 10:18

তুয়ই সিয়েন্ গোজ্যস্, যেনে মা-বাপ্ নেইয়্যে আর অত্যেচার ওইয়্যে মানুচ্চুনোর্ পক্ষে তুই থিয়্যেই পারচ্, যেনে এ দুনিয়ের্ মানুচ্চুনে তারারে আর্ দর্ দেগেই ন-পারন্।

যাত্রা 23:3

কনঅ‌ নাদা মান্‌জ্যর্‌ বিচের্‌ গুরিবাত্তে যেইনে তে নাদা বিলিনেই‌ তার্‌ পক্ষ ন-নিবা।

যাত্রা 23:6

“কনঅ‌ নাদা মান্‌জ্যর্‌ মকদ্দমাত্‌ অন্যেয় বিচের্‌ ন-গুরিবা।”

গম্ উপদেজ্ 31:9

জুরো গুরি ন-থেচ্, ন্যায় বিচের গর্; দুঃখী আর অভাবীগুনোর অধিকার রোক্ষ্যে গর্।

যিশাইয় 1:17

তুমি গম্ কাম গুরিবাত্তে শিগো, দোল্ বিচের গরঅ, অত্যেচার্ গুরিয়্যেগুনোরে ঠিগ্ গরঅ, মা-বাপ নেইয়্যেগুনোর্ তপ্পেদি থাগঅ, রানি মিলেগুনোর মগদ্দমাগানি উদো লঅ।”

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিরমিয় 21:12

‘ও দায়ূদর বংশ, মুই লগেপ্রভু কঙর্, তুমি পত্তিদিন বেন্যেমাদান্ ন্যায়বিচের গুরিবে। যিবেরে লুদো ওইয়্যে তারে তা অত্যেচারির আঢত্তুন্ উদ্ধোর গুরিবে; সিয়েন ন-গুরিলে তমা ভান্ন্যেই কামানিত্তে মঅ রাগ্‌‌কান নিগিলেনেই আগুনো ধোক্ক্যেন জুলিবো, কনজনে সিয়েন মারেই ন-পারিবো।

যিরমিয় 22:16

তে দুঘী আর অভাবীগুনোর তপ্পে নেযেদ বিলি বেক্কানি গমে চলিদো। লগেপ্রভুরে হবর্ পানা মানে এ কামানি গরানা।

যিরমিয় 22:3

লগেপ্রভু কোইয়্যেদে, ‘যিয়েন ন্যায্য আর ঠিগ্ তুমি সিয়েনই গরঅ। যিবেরে লুদো ওইয়্যে তারে তা অত্যেচারিগুনোর আঢত্তুন উদ্ধোর গরঅ। বিদেশী, মা-বাপ নেইয়্যে আর রানিমিলেগুনো উগুরে কনঅ অন্যেয় বা অত্যেচার ন-গোজ্য আর এ জাগাত্ নিদ্দুযির্ লো ন-ঝোরেয়ো।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

দ্বি’লম্বর বিররণ 10:18

নাদা আর রানীমিলেগুনোর্‌ দাবীগানি তে রোক্ষ্যে গরে আর তমা ভিদিরে বজত্তি গুরিয়্যে বিদেশীগুনোরে খানা উরোনা দিইনে তার্‌ কোচ্‌পানাগান দেগায়। তে তারারে হেবাত্তে উরিবাত্তে দে।

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।

যাকোব 1:27

রানী মিলে আর বাপ্-মা নেইয়্যেগুনোর্ দুঘোত্ তারার্ দেগাশুনো গরানা আর জগদর্ বেক্‌ কাজরানিত্তুন্ নিজোরে সাব্ রাগানা অলঅ বাবা গোজেনর্ চোগেদি খাটি আর সত্য ধর্ম।