গীতসংহিতা 81:3
23 Iomraidhean Croise
যিহূদার মানুচ্চুনে ফিরিনে দেগিলাক্কে, তারা মুজুঙোত্ আর পিজে দ্বিকিত্তেন্দি সৈন্য। সেক্কে তারা লগেপ্রভু ইদু কানাকুদি গুরিলাক্। ধর্মগুরুগুনে তারার্ তূরীগুন্ বাজেলাক্ আর যিহূদার মানুচ্চুনে যুদ্ধোত্তে রঅ ছাড়িনে ডাগিলাক্। তারা যেক্কে যুদ্ধোত্তে রঅ ছাড়িনে ডাগিলাক্ সেক্কে অবিয় আর যিহূদার মানুচ্চুনো মুজুঙোত্তুন্ গোজেনে যারবিয়াম আর ইস্রায়েলরে পুরোপুরিভাবে ওদেই দিলাক্।
ইক্কিনে মুই মর্ গোজেন লগেপ্রভুত্তে এক্কান্ ঘর্ বানেবাত্তে আর তার্ নাঙে সিয়েন্ উৎসর্ব গুরিবাত্তে যুক্কোল্ ওইয়োং, যেনে তা মুজুঙোত্ তুম্বাজ্-আগর্বাট্টি জ্বালা যায়, সুদোম মজিম্ মুজুঙো-রুটি সাজেইনে রাগা যায় আর পত্তিদিন বেন্যে আর সাজোন্যে, জিরেবার্ দিনোত্, আঙোস্যেত্ আর আমা গোজেন লগেপ্রভু ঠিগ্-গোজ্যে নানান্ পরবর্ অক্তত্ পূজ্যে-উৎসর্বর অনুষ্ঠানুন্ গরা যায়। ইগুন্ বেক্কুন্ পালানা ইস্রায়েলীয়গুনোত্তে এক্কান্ উমরর্ সুদোম।
Sanasan